த.வெ.க கட்சியின் முதல் மாநில மாநாடு: தொண்டர்கள் அவதிக்கு உள்ளானது உண்மையா

விழுப்புரம் மாவட்டம் விக்கிரவாண்டியில் உள்ள வி.சாலையில் தமிழக வெற்றிக் கழகத்தின் முதல் மாநாடு பிரம்மாண்டமாக இன்று மாலை 6 மணிக்கு நடைபெற உள்ளது.தமிழக வெற்றிக் கழகத்தின் முதல் மாநில மாநாடு என்பதன் காரணமாக சுமார் ஒரு லட்சம் தொண்டர்கள் கலந்து கொள்வதற்கான ஏற்பாடுகள் நடைபெற்றுக் கொண்டு இருந்தது. ஆனால் தற்போது ஒரு லட்சத்திற்கும் அதிகமான தொண்டர்கள் வருகை தந்ததன் காரணமாக பரபரப்பு ஏற்பட்டு இருக்கிறது.

விழா நடைபெறும் நிகழ்ச்சி அமைக்கப்பட்டுள்ள திடலில் அதிகமான தொண்டர்கள் கூடி இருக்கிறார்கள். மேலும கடும் வெயில் காரணமாக தொண்டர்களால் நீண்ட நேரம் இடத்தில் உட்கார முடியவில்லை. இதன் காரணமாக நாற்காலிகளை தங்கள் தலையின் மீது கவிழ்த்துக் கொண்டு திடலில் அமர்ந்து சிரமத்திற்கு உள்ளாகி இருக்கிறார்கள். இது தொடர்பான வீடியோ ஒன்று தான் தற்போது சமூக வலைத்தளங்களில் பெரும் வைரலாகி வருகிறது.

குறிப்பாக காலையில் இருந்தே விழுப்புரம் மாவட்டத்தை நோக்கி வரும் தமிழக வெற்றி கழகத்தின் தொண்டர்களின் கூட்டம் அதிகமாக தான் இருந்து வருகிறது. இதனால் போக்குவரத்தும் தற்போது ஸ்தம்பித்து இருக்கிறது வரும் சில மணி நேரங்களில் தொண்டர்களின் எண்ணிக்கை அதிகளவில் இருப்பதன் காரணமாக ஒரு சிலருக்கு மயக்கம் போன்ற உடல்நலக் கோளாறும் ஏற்பட்டு இருக்கிறது.

Input & Image courtesy: News