உலக நாடுகளில் நடந்ததைப் போன்று இன்று இந்தியாவில் நடக்கிறது: பின்னணி என்ன?

இந்தியாவில் தற்போது நிலவும் கொரோனாவின் நெருக்கடியை சமாளித்து வருகிறது என்ற விஷயம் உலகளவில் உற்று நோக்கி பார்க்கப்பட்டுள்ளது. மேலும் இந்தியாவிற்கு இப்படி ஒரு நிலையில் தன்னால் முடிந்த உதவிகளை செய்ய, பல நாடுகள் முன் வந்து உதவி கரம் நீட்டி உள்ளனர். ஆனால் இந்த சம்பவம் ஏற்கனவே உலகில் நிகழ்ந்த ஒன்று தான் என்று தென்னாப்பிரிக்க சுகாதார அமைச்சர் ஸ்வேலி ம்கைஸ் அவர்கள் தெரிவித்தார்.

தென்னாப்பிரிக்காவில் உள்ள தேசியத் தொலைக்காட்சி ஊடகத்தின் மூலமாக நடத்தப்பட்ட ஒரு கருத்தரங்கில் அவர் இந்த கருத்தை கூறியுள்ளார். அதாவது அவரிடம் இந்தியாவில் கொரோனாவின் நிலை பற்றி உங்கள் கருத்து என்ன? என்று கேட்க போது, அவர் "இந்தியாவிற்கு தற்போது நடப்பது ஏற்கனவே உலகில் நடந்து இருக்கிறது. அதை போன்று தான் தற்போது இந்தியாவில் நிகழ்கிறது" என்று கூறியிருக்கிறார். மேலும் கூறுகையில், "வெவ்வேறு நாடுகளுக்கு ஒரே மாதிரியான அனுபவம் உண்டு. அவர்கள் தடுப்பூசி போடும்போது, ​​அடுத்த அலை வந்துகொண்டே இருந்தது. எனவே தடுப்பூசி அதைத் தடுக்கும் என்று நீங்கள் அவசியம் சொல்ல முடியாது" என்று ம்கைஸ் கூறினார்.

பல நாடுகள் இந்தியா வழியாகச் சென்று கொண்டிருக்கின்றன. இங்கிலாந்து போன்ற நாடுகளுக்கும் ஏற்கனவே அதே பிரச்சினை இருந்தது என்று அவர் கூறினார். எங்கள் தரப்பிலிருந்து நாங்கள் கற்றுக்கொண்டது என்னவென்றால், எந்தவொரு தடுப்பூசிகளும் இல்லாமல் நாங்கள் இரண்டாவது அலை வழியாகச் சென்றோம். எங்கள் முன்னெச்சரிக்கை நடவடிக்கைகள் முககவசங்கள் மற்றும் சமூக விலகல் காரணமாக எங்கள் எண்ணிக்கையை குறைக்க முடிந்தது என்று அவர் கூறினார்.