காஷ்மீரி பண்டிட் சமூக அரசு ஊழியர்களை ஜம்முவுக்கு மாற்ற வேண்டும்!

காஷ்மீரில் நிலைமை சரியாகும் வரை அங்கு வேலை செய்யும் காஷ்மீர் பண்டிட் அரசு ஊழியர்களின் பாதுகாப்பு கருதி அவர்களை ஜம்முவுக்கு மாற்ற வேண்டும்" என்று ஜம்மு காஷ்மீர் முன்னாள் முதல்வர் குலாம் நபி ஆசாத் கோரிக்கை விடுத்துள்ளார்.

யூனியன் பிரதேசத்தில் தனது கட்சி ஆட்சிக்கு வந்தால், நிலைமை சீராகும் வரை காஷ்மீரி பண்டிட் சமூகத்தை சேர்ந்தவர்களை ஜம்முவுக்கு மாற்றுவோம் என்று அவர் கூறினார்.

உயிர்களை விட வேலைகள் முக்கியமானதாக இருக்க முடியாது. தற்போதைய நிர்வாகம் இதைப் பற்றி என்ன நினைக்கிறது என்று எனக்குத் தெரியவில்லை, ஆனால் நாங்கள் மீண்டும் ஆட்சிக்கு வந்தால், நாங்கள் இதைச் செய்வோம் என்றார்.

ஜம்மு காஷ்மீர் யூனியன் பிரதேசம் தேர்தலுக்கு தயாராகி வரும் நிலையில் குலாம் நபி ஆசாத் இந்த கருத்துக்களை தெரிவித்துள்ளார். 2019ஆம் ஆண்டு சிறப்பு அந்தஸ்து நீக்கப்பட்டு, 370வது சட்டப்பிரிவு ரத்து செய்யப்பட்ட பிறகு, ஜம்மு காஷ்மீரில் தேர்தல் நடைபெறுவது இதுவே முதல் முறை. ஜம்மு காஷ்மீர் இரண்டு யூனியன் பிரதேசங்களாக பிரிக்கப்பட்டு, லடாக் தனி யூனியன் பிரதேசமாக உருவானது.

குலாம் நபி ஆசாத் இந்த ஆண்டு தொடக்கத்தில் காங்கிரஸுடனான தனது தொடர்பை முடித்துக் கொண்டார்.

Input From: HindustanTimes