மீண்டெழும் இந்திய பொருளாதாரம் - ஒரே நாளில் மின்தேவை 200 ஜிகாவாட்டைத் தாண்டி சாதனை!
By : Muruganandham
கொரோனா வைரஸ் தொற்றுநோயின் இரண்டாவது அலையின் போது மின்சார தேவை வீழ்ச்சியடைந்த பின்னர், இந்தியாவின் உச்சபட்ச மின்சார தேவை, புதன்கிழமை நண்பகல் 200 க்கும் மேற்பட்ட ஜிகாவாட் அளவை பதிவு செய்து முந்தைய சாதனையை முறியடித்தது.
இந்த புதுப்பிப்பை மின் மற்றும் புதிய புதுப்பிக்கத்தக்க எரிசக்தி அமைச்சர் ராஜ் குமார் சிங் ஒரு ட்வீட் மூலம் பகிர்ந்துள்ளார். " இந்திய அளவில் மின் தேவை இன்று 200 ஜிகாவாட்டைத் தாண்டியது" என்று அவர் ட்வீட் செய்துள்ளார்.
மின்ட் ஊடக அறிக்கையின்படி, இந்தியா செவ்வாயன்று புதிய அதிகபட்சமாக 197.06 ஜிகாவாட் பதிவு செய்துள்ளது. இதற்கு முன்னர், கடைசியாக பதிவுசெய்யப்பட்ட அனைத்து நேர மின்சார தேவை ஜூன் 30 அன்று 191.24 ஜிகாவாட் ஆகும்.
தொற்றுநோயின் இரண்டாவது அலையின் போது தேவை குறைந்து காணப்பட்டது, இந்த ஆண்டு ஜனவரி 31 ஆம் தேதி 189.64 ஜிகாவாட் என்ற அளவில் கடைசியாக பதிவு செய்யப்பட்டது.
எரிசக்தி நுகர்வு, குறிப்பாக மின்சாரம் மற்றும் சுத்திகரிப்பு பொருட்கள் பொதுவாக பொருளாதாரத்தில் ஒட்டுமொத்த தேவையுடன் தொடர்புடையதால், இந்த நிகழ்வு நாட்டின் பொருளாதாரம் மீண்டு வருவதற்கான அடையாளமாகக் பார்க்கப்படுகிறது. இந்தியாவின் மொத்த மின்சார தேவையில்,தொழில்துறை நுகர்வு 41.16%, விவசாய 17.69%, மற்றும் வணிக மின்சார நுகர்வு 8.24% என அறிக்கையில் தெரிவிக்கப்பட்டுள்ளது.
கடந்த ஆண்டு தொற்றுநோய் தொடங்கியதிலிருந்து உள்நாட்டு நுகர்வு அதிகரித்து வரும் நிலையில், பல தொழிற்சாலைகள் இடையூறுகள் காரணமாக மூடப்பட வேண்டி இருந்தது. தற்போது வணிக மற்றும் தொழில்துறை தேவை மீண்டும் வெற்றியை பதிவு செய்துள்ளது.