இதை யாருமே எதிர்பார்த்திருக்க மாட்டாங்க: சட்டப்பிரிவு 370 ரத்து செய்யப்பட்ட பிறகு ஜம்மு-காஷ்மீர் கண்ட அபார மாற்றம்!

சட்டப்பிரிவு 370 ரத்து செய்யப்பட்டதில் இருந்து, புதிதாக உருவாக்கப்பட்ட ஜம்மு காஷ்மீர் யூனியன் பிரதேசம், தொழில்துறை மையமாக வேகமாக வளர்ந்து வருகிறது. கிடைத்த தரவுகளின்படி, ஜம்மு மற்றும் காஷ்மீர் யூனியன் பிரதேசத்தில் ஒரு லட்சம் மக்கள்தொகைக்கு 216.7 குற்ற விகிதங்கள் உள்ளன. அருகிலுள்ள இமாச்சலப் பிரதேசம் 280.2, பஞ்சாப் 274.6, ஹரியானா - 658.6, மற்றும் டெல்லி - 1309 என்ற அளவில் உள்ளது. ஜம்மு மற்றும் காஷ்மீரில் போதுமானதிறமையான பணியாளர்கள் உள்ளனர்.

எய்ம்ஸ், ஐஐஎம் மற்றும் ஐஐடி ஆகியவற்றைக் கொண்ட ஒரே இந்திய நகரமாக ஜம்மு நகரம் தனிச்சிறப்பு பெற்றுள்ளது.12 பல்கலைக்கழகங்கள் மற்றும் 208 கல்லூரிகள் 13 லட்சம் மாணவர்களின் கல்வி தேவைகளை பூர்த்தி செய்கின்றன. ஸ்ரீநகரில் சர்வதேச விமான நிலைய வசதி உள்ளது.

UDAN திட்டத்தின் கீழ் இப்போது ஒன்பது புதிய விமான நிலையங்கள் முன்மொழியப்பட்டுள்ளன, மேலும் ஜம்முவிலிருந்து இரவு விமானங்கள் தொடங்கப்பட்டுள்ளன. PMGSY இன் கீழ் சிறப்பாக செயல்படும் மாவட்டங்களில் ஜம்மு மற்றும் காஷ்மீரின் 12 மாவட்டங்கள் இருப்பதாக ஆதாரங்கள் கூறுகின்றன.

ஜம்மு மற்றும் இந்தியாவின் பிற பகுதிகளுக்கு இடையே இரட்டைப் பாதை ரயில் இணைப்பு உள்ளது. உதம்பூர்-ஸ்ரீநகர்-பாரமுல்லா இடையே 272 கி.மீ தூரம் கொண்ட ரயில் இணைப்பு விரைவில் முடிக்கப்பட உள்ளது. உள்கட்டமைப்பை உருவாக்க 3379 விண்ணப்பங்கள் அங்கீகரிக்கப்பட்டுள்ளதாக அதிகாரிகள் தெரிவித்துள்ளனர் .இதன் மூலம் ரூ. 34,454 கோடி முதலீடு கிடைக்கும் என்றும்,159,781 பேருக்கு வேலை வாய்ப்பு கிடைக்கும் என்றும் எதிர்பார்க்கப்படுகிறது.

Input From: Organizer