ரூ.6,350 கோடி மதிப்பிலான பல்வேறு ரயில்வே துறை திட்டங்கள்.. நாட்டுக்கு அர்ப்பணித்த பிரதமர்..

சத்தீஸ்கர் மாநிலம் ராய்கரில் சுமார் ரூ.6,350 கோடி மதிப்பிலான பல்வேறு ரயில்வே துறை திட்டங்களை பிரதமர் நரேந்திர மோடி நேற்று நாட்டுக்கு அர்ப்பணித்தார். சத்தீஸ்கரின் 9 மாவட்டங்களில் 50 படுக்கைகள் கொண்ட 'தீவிர சிகிச்சை பிரிவுகளுக்கு ' அடிக்கல் நாட்டிய அவர், பரிசோதிக்கப்பட்ட மக்களுக்கு 1 லட்சம் அரிவாள் செல் ஆலோசனை அட்டைகளை வழங்கினார். சத்தீஸ்கர் கிழக்கு ரயில் திட்டம் கட்டம் -1, சம்பா முதல் ஜம்கா வரை 3 வது ரயில் பாதை, பெந்த்ரா சாலை முதல் அனுப்பூர் வரை 3 வது ரயில் பாதை மற்றும் தலைப்பள்ளி நிலக்கரி சுரங்கத்தை என்டிபிசி லாரா சூப்பர் அனல் மின் நிலையத்துடன் (எஸ்.டி.பி.எஸ்) இணைக்கும் எம்.ஜி.ஆர் அமைப்பு ஆகியவை ரயில்வே திட்டங்களில் அடங்கும்.

கூட்டத்தில் உரையாற்றிய பிரதமர், சத்தீஸ்கர் மாநிலத்தில் ரூ.6,400 கோடிக்கும் அதிகமான மதிப்புள்ள ரயில்வே திட்டங்கள் தொடங்கப் படுவதால் வளர்ச்சியை நோக்கி ஒரு குறிப்பிடத்தக்க அடி எடுத்து வைக்கிறது என்று குறிப்பிட்டார். மாநிலத்தின் எரிசக்தி உற்பத்தி திறனை விரிவுபடுத்துவதற்கும், சுகாதாரத் துறையை மேம் படுத்துவதற்கும் பல்வேறு புதிய திட்டங்கள் தொடங்கப் படுகின்றன என்பதை அவர் சுட்டிக் காட்டினார். அரிவாள் செல் ஆலோசனை அட்டைகள் வழங்கும் நிகழ்ச்சி குறித்தும் அவர் குறிப்பிட்டார்.

நவீன வளர்ச்சியின் வேகத்தையும், இந்திய சமூக நல மாதிரியையும் உலகமே பார்த்துக் கொண்டிருப்பது மட்டுமல்லாமல் பாராட்டுகளையும் குவித்து வருகிறது என்று பிரதமர் குறிப்பிட்டார். புதுதில்லியில் நடைபெற்ற ஜி 20 உச்சிமாநாட்டின் போது உலகத் தலைவர்களுக்கு விருந்தளித்ததை நினைவுகூர்ந்த பிரதமர், இந்தியாவின் வளர்ச்சி மற்றும் சமூக நல மாதிரியால் அவர்கள் மிகவும் ஈர்க்கப்பட்டதாகக் குறிப்பிட்டார். இந்தியாவின் வெற்றிகளிலிருந்து கற்றுக்கொள்வது குறித்து உலகளாவிய அமைப்புகள் பேசுகின்றன என்று அவர் கூறினார். நாட்டின் ஒவ்வொரு மாநிலத்தின் வளர்ச்சிக்கும், நாட்டின் ஒவ்வொரு பகுதியின் வளர்ச்சிக்கும் அரசு அளிக்கும் சமமான முன்னுரிமையே இந்த சாதனைக்கு காரணம் என்று பிரதமர் குறிப்பிட்டார். "சத்தீஸ்கர் மற்றும் ராய்கரின் இந்த பகுதியும் இதற்கு ஒரு சாட்சி" என்று பிரதமர் கூறினார்.

Input & Image courtesy: News