மத்திய அமைச்சர் அமித் ஷாவை சந்திக்க தயாரான விவசாயிகள் குழு- தொடர்ந்து முடிவுக்கு வராத போராட்ட களம்!

அனைத்து விவசாய சங்கங்களின் ஒரு சேர்ந்த அமைப்பான சம்யுக்த் கிசான் மோர்ச்சா, குறைந்தபட்ச ஆதரவு விலை, இறந்தவர்களுக்கு இழப்பீடு வழங்குவது உள்ளிட்ட நிலுவையில் உள்ள கோரிக்கைகள் குறித்து மத்திய அரசிடம் பேச்சுவார்த்தை நடத்த ஐந்து பேர் கொண்ட குழுவை சனிக்கிழமை அமைத்தது. ஒரு வருடம் நீடித்த போராட்டத்தின் போது இறந்த விவசாயிகள் மற்றும் விவசாயிகள் மீது பதிவு செய்யப்பட்ட காவல்துறை வழக்குகளை திரும்பப் பெறுதல்தொடர்பானகோரிக்கைகளும்இதில்அடங்கும்.

இப்போது அரசாங்கத்துடன் பேச அமைக்கப்பட்ட குழுவில் உறுப்பினராக உள்ள விவசாயி தலைவர்களில் ஒருவரிடம், பிரச்சினைகளை தீர்க்க வெள்ளிக்கிழமை மாலை மத்திய உள்துறை அமைச்சர் அமித் ஷாவிடம் இருந்து தொலைபேசி அழைப்பு வந்தது. அதனைத் தொடர்ந்து இந்தக் குழு அமைக்கப்பட்டது என விவசாயத் தலைவர் தெரிவித்தார்.

டிசம்பர் 7-ம் தேதி அடுத்தகட்ட நடவடிக்கைக்கு அழைப்பு விடுக்கப்பட்டுள்ளது. மத்திய அரசிடம் இருந்து முறையான மற்றும் திருப்திகரமான பதில் கிடைக்கும் வரை விவசாயிகள் போராட்டம் அப்படியே தொடரும் என்றும் ஒருமனதாக முடிவு செய்யப்பட்டது.

விவசாயிகளின் போராட்டத்தின் நிலுவையில் உள்ள கோரிக்கைகள் மற்றும் மத்திய அரசிடமிருந்து முறையான பதில் இல்லாதது குறித்து விவாதிக்க சிங்கு எல்லையில் நடைபெற்ற மாரத்தான் கூட்டத்திற்குப் பிறகு பேசிய, பாரதிய கிசான் யூனியன் தலைவர் ராகேஷ் டிகாயித் மற்றும் பொதுச் செயலாளர் ஹரிந்தர் சிங், லகோவால் நிலுவையில் உள்ள அனைத்து பிரச்சனைகள் குறித்தும் மத்திய அரசிடம் பேச பல்பீர் சிங் ராஜேவால், ஷிவ் குமார் காக்கா, குர்னாம் சிங் சாருனி, யுத்வீர் சிங் மற்றும் அசோக் தவாலே ஆகியோர் அடங்கிய 5 பேர் கொண்ட குழு அமைக்கப்பட்டுள்ளது என கூறியுள்ளனர்.

டெல்லி, ஹரியானா, உத்தரபிரதேசம், உத்தரகாண்ட், இமாச்சலப் பிரதேசம், மத்தியப் பிரதேசம், சண்டிகர், மகாராஷ்டிரா மற்றும் ராஜஸ்தான் ஆகிய மாநிலங்களில் போராட்டம் நடத்திய விவசாயிகள் மற்றும் அவர்களது ஆதரவாளர்கள் மீது பதிவு செய்யப்பட்ட வழக்குகளைத் திரும்பப் பெறவும் கோரிக்கை வைக்கப்படவுள்ளது.

கூட்டம் நடந்த கட்டிடத்திற்கு வெளியே ஏராளமான விவசாயிகள் திரண்டனர். பஞ்சாப், ஹரியானா மற்றும் ராஜஸ்தானைச் சேர்ந்த 10 முதல் 15 விவசாயிகள் கொண்ட குழு, வெளியில் நடைபாதையில் அமர்ந்து, சங்கிலிகளை அணிந்து, அடையாளப் போராட்டத்தில் ஈடுபட்டனர்.