அடுத்த காலாண்டில் மொத்த உள்நாட்டு உற்பத்தி மீண்டும் சாதகமான நிலைக்கு வரும் - அமித் ஷா திட்டவட்டம்!

தொடர்ச்சியாக இரண்டு காலாண்டுகள் குறைந்த நிலையில், அடுத்த காலாண்டில் மொத்த உள்நாட்டு உற்பத்தி மீண்டும் சாதகமான நிலைக்கு வரும் என்று மத்திய உள்துறை அமைச்சர் அமித் ஷா திங்களன்று தெரிவித்தார்.

அகமதாபாத்தில் இரண்டு சாலை பாலங்களை திறந்து வைத்த பின்னர், இது குறித்து பேசிய அவர், பிரதமர் நரேந்திர மோடி பொருளாதார மீட்சிக்கு கடுமையாக உழைத்தார். மேலும் கொரோனா வைரஸ் காரணமாக ஏற்பட்ட நெருக்கடிக்குப் பின்னர் பொருளாதார வளர்ச்சி தொகுப்பையும் அறிவித்திருந்தார். பிரதமராக, நரேந்திர மோடி தொற்றுநோய்களின் தாக்கத்தை உணர்ந்து, பொருளாதாரத்தில் அதன் நீண்டகால தாக்கத்தை மனதில் வைத்துக் கொண்டார்" என்று அமித் ஷா கூறினார்.

மேலும், ஒரு நொடி கூட வீணாக்காமல், வேளாண் துறை, மின்சாரம், தொழில்துறை கொள்கை போன்ற பல துறைகளில் சீர்திருத்தங்களைச் செய்து, வளர்ச்சியின் வேகத்தைத் தக்கவைக்க ஒரு அமைப்பை உருவாக்கினார் என்றார். இந்த நோக்கத்திற்காக, ஏழை மக்களின் நலனுக்காகவும், பொருளாதாரத்திற்கு வேகத்தை வழங்கவும் ரூ .20 லட்சம் கோடி தொகுப்பை அவர் வழங்கினார், என்றார்.

"இதன் விளைவாக, சமீபத்திய மொத்த உள்நாட்டு உற்பத்தியின் எண்ணிக்கையைப் பொறுத்தவரை, நாம் ஆறு சதவீதம் மட்டுமே பின்தங்கியுள்ளோம் ... அடுத்த காலாண்டில் மொத்த உள்நாட்டு உற்பத்தி நேர்மறையாக இருக்கும் என நான் நம்புகிறேன்" என்று ஷா கூறினார்.

கொரோனா வைரஸ் ஊரடங்கு பொருளாதார நடவடிக்கைகளைத் தாக்கியதால், மொத்த உள்நாட்டு உற்பத்தி 2020-21 நிதியாண்டின் முதல் காலாண்டில் (ஏப்ரல்-ஜூன்) 23.9 சதவீதமாக சுருங்கியது. நாட்டின் பொருளாதாரம் ஜூலை-செப்டம்பர் காலாண்டில் எதிர்பார்த்ததை விட வேகமாக மீண்டது, உற்பத்தியில் அதிகரிப்பு மொத்த உள்நாட்டு உற்பத்தியில் 7.5 சதவீதமாகக் மாற்ற உதவியது என்று சமீபத்தில் வெளியிடப்பட்ட அதிகாரப்பூர்வ தகவல்கள் தெரிவிக்கின்றன.