நாட்டின் வளர்ச்சிக்கு வித்திடும் புவிசார் தொழில்நுட்ப துறையில் முக்கிய சீர்திருத்தம் - பிரதமரின் அதிரடி!

'ஆத்மனிர்பர் பாரத்' குறித்த இந்தியாவின் பார்வையை வெளிப்படுத்தவும், 5 டிரில்லியன் டாலர் பொருளாதாரத்தின் இலக்கை அடையவும், பிரதமர் நரேந்திர மோடி அரசு திங்களன்று புவிசார் தொழில்நுட்ப துறையில் முக்கிய சீர்திருத்தங்களை அறிவித்தது.

விஞ்ஞான மற்றும் தொழில்நுட்பத் துறை நாட்டின் வரைபடத்தை உருவாக்கும் கொள்கையில், குறிப்பாக இந்திய நிறுவனங்களுக்கு பெரும் மாற்றங்களை அறிமுகப்படுத்தியுள்ளது. புதிய சீர்திருத்தங்களின் கீழ், முன்னர் தடைசெய்யப்பட்ட புவியியல் தரவு இப்போது இந்தியாவில் இலவசமாகக் கிடைக்கும்.

The reforms will unlock tremendous opportunities for our country’s start-ups, private sector, public sector and research institutions to drive innovations and build scalable solutions. This will also generate employment and accelerate economic growth. #Freedom2MapIndia pic.twitter.com/OoN1rDTwoW

— Narendra Modi (@narendramodi) February 15, 2021

மேலும், இந்திய நிறுவனங்கள் மற்றும் கண்டுபிடிப்பாளர்கள் இந்தியாவின் எல்லைக்குள் டிஜிட்டல் புவியியல் தரவு மற்றும் வரைபடங்களை சேகரித்தல், உருவாக்குதல், தயாரித்தல், பரப்புதல், சேமித்தல், வெளியிடுதல், புதுப்பித்தல் ஆகியவற்றிற்கு முன்னர் கட்டுப்பாடுகள் அல்லது முன் ஒப்புதல் வாங்க கட்டாயப்படுத்தப்பட மாட்டார்கள்.

இந்திய மேப்பிங் கண்டுபிடிப்பாளர்கள் சுய சான்றிதழ் பெறுவதற்கு, வழிகாட்டுதல்களைப் பின்பற்றுவதை நிரூபிக்க வேண்டும். கூடுதலாக, சமீபத்திய வரைபடத்தை உருவாக்கும் தொழில்நுட்பங்களை சாதகமாகப் பயன்படுத்தும் இந்திய புவியியல் கண்டுபிடிப்புகளின் வளர்ச்சியை மேம்படுத்துவதற்கான நடவடிக்கைகளும் முன்மொழியப்பட்டுள்ளன.

null

"புவியியல் தரவுகளைப் பெறுதல் மற்றும் மேப் உருவாக்குதல் ஆகியவற்றை நிர்வகிக்கும் கொள்கைகளை தாராளமயமாக்குவது, ஆத்மனிர்பர் பாரதத்திற்கான எங்கள் பார்வையில் ஒரு மிகப்பெரிய படியாகும்" என்று பிரதமர் கூறினார்.

புவி-இடஞ்சார்ந்த மற்றும் ரிமோட் சென்சிங் தரவின் திறனை மேம்படுத்துவதன் மூலம் நாட்டின் விவசாயிகளுக்கும் பயனளிக்கும் என்றும் பிரதமர் கூறினார். விவசாயம் மற்றும் அதனுடன் தொடர்புடைய துறைகளில் செயல்திறனை அதிகரிக்கும் புதிய தொழில்நுட்பங்கள் மற்றும் தளங்களின் வளர்ச்சிக்கு உதவும்" என்று அவர் ட்வீட் செய்துள்ளார்.

கடந்த ஆண்டை விட 2021-22 ஆம் ஆண்டுக்கான இந்திய டிஎஸ்டி மற்றும் பூமி அறிவியல் அமைச்சகத்தின் பட்ஜெட்டை 30% அதிகரித்து அரசாங்கம் அதிகரித்துள்ளது என்று மத்திய சுகாதார அமைச்சர் ஹர்ஷ் வர்தன் தெரிவித்தார்.