காஷ்மீர் ராணுவ பள்ளியில் ஹிஜாப் தடை! - நிர்வாகம் கூறும் விளக்கம் என்ன?

ஜம்மு காஷ்மீரின் பாரமுல்லா மாவட்டத்தில் ராணுவத்தால் நடத்தப்படும் பள்ளி ஒன்று, பாதுகாப்பு காரணங்களுக்காக பள்ளி நேரங்களில் ஹிஜாப் அணிவதைத் தவிர்க்குமாறு கூறியது.

ஏப்ரல் 25 தேதியிட்ட சுற்றறிக்கையில், இராணுவம் மற்றும் இந்திராணி பாலன் அறக்கட்டளையின் கீழ் அமைக்கப்பட்டுள்ள டாகர் பரிவார் பள்ளி பாரமுல்லா பள்ளியின் முதல்வர், பள்ளி நேரங்களில் ஹிஜாப் அணிவதைத் தவிர்க்குமாறு ஆசிரியர்களிடம் கேட்டுக் கொண்டார்.

இருப்பினும், புதன்கிழமை, பள்ளி சுற்றறிக்கையின் திருத்தப்பட்ட பதிப்பை வெளியிட்டது. ஹிஜாப் (தலை மறைப்பு) என்ற வார்த்தைக்கு பதிலாக 'நிகாப்' (முகத்திரை) என்று மாற்றப்பட்டது.

ஏப்ரல் 25 தேதியிட்ட சுற்றறிக்கை சமூக ஊடகங்களில் பரவலாகப் பகிரப்பட்டது. காஷ்மீர் முன்னாள் முதல்வரும், பிடிபி தலைவருமான மெகபூபா முப்தி இந்த உத்தரவிற்கு கடும் கண்டனம் தெரிவித்துள்ளார்.

எங்கள் பெண்கள் தங்கள் சுதந்திரத்தை விட்டுவிட மாட்டார்கள். அது எங்கள் தேர்ந்தெடுக்கும் உரிமை என்று மெகபூபா ட்வீட் செய்துள்ளார்.

இந்த நாட்டில், ஒவ்வொருவருக்கும் அவரவர் மதத்தை பின்பற்ற சுதந்திரம் உள்ளது. மதச்சார்பற்ற நாடு, அதாவது அனைத்து மதத்தினரும் சமம் என்று நமது அரசியலமைப்புச் சட்டத்தில் கூறப்பட்டுள்ளது. இதில் எந்த அரசும் தலையிடக்கூடாது என்று நினைக்கிறேன் என்றார்.

Inputs From: Newindianexpress