மதரஸாவில் பயிற்சி! சட்டவிரோத வங்காளதேசிகளுக்கு, இந்து பெயர் கொண்ட போலி இந்திய பாஸ்போர்ட்டுகள்! அதிரவைக்கும் தகவல்!

இந்து பெயர்கள் கொண்ட போலி இந்திய பாஸ்போர்ட்டுகளை கொடுத்து, வங்கதேச பிரஜைகளை வெளிநாடுகளுக்கு அனுப்பிய மோசடி தொடர்பாக, உத்தரபிரதேசத்தில் 9 பங்களாதேஷ் பிரஜைகளை, காவல்துறை கைது செய்துள்ளதாக தகவல்கள் தெரிவிக்கின்றன . மோசடி மற்றும் கிரிமினல் சதி தொடர்பாக குற்றம் சாட்டப்பட்டவர்கள் மீது எஃப்ஐஆர் பதிவு செய்யப்பட்டுள்ளது.

அசிதுல் இஸ்லாம், ஹுசைன் முகமது, அலமெய்ன் அகமது, ஜெய்புல் இஸ்லாம், ஜமீல் அகமது, ராஜீவ் உசேன், ஷெகாவத் கான் மற்றும் அலாதீன் தாரிக் ஆகிய 8 பங்களாதேஷ் பிரஜைகள் கைது செய்யப்பட்டதாக காவல்துறை முதலில் தெரிவித்தது. இந்த நபர்களை விசாரித்த பிறகு, ஹ்புஸூர் ரஹ்மானன் என்ற நபரை கைது செய்தது. அவர் குற்றம் சாட்டப்பட்ட ஒவ்வொருவரிடமிருந்தும் தலா 1 லட்சம் ரூபாய் பெற்றுக்கொண்டு, இந்து பெயர்களுடன் போலி இந்திய ஆவணங்களைக் கொடுத்துள்ளார்.

காவல்துறை அதிகாரிகள் கூறுகையில், "வங்கதேச நாட்டவர்கள் அளித்த தகவலின் பேரில், கொல்கத்தாவில் உள்ள மதர்சாவில் இருந்து மஹ்புஸூர் ரெஹ்மானை (34) கைது செய்யப்பட்டார். ரஹ்மானும் வங்காளதேசத்தை சேர்ந்தவர், அவர் போலி ஐடியில் வாழ்வது கண்டுபிடிக்கப்பட்டது. அவர் ட்ரான்சிட் ரிமாண்டில் லக்னோவுக்குக் கொண்டு வரப்படுகிறார். மேலும், "இந்த மோசடியில் தொடர்புடையவர்களை அடையாளம் காண விசாரணை நடத்தப்படுகிறது. இது தொடர்பான விசாரணையின் அடிப்படையில் மேலும் கைது நடவடிக்கை எடுக்கப்படும்" என்றார்.

அறிக்கைகளின்படி, கைவிடப்பட்ட மதரஸாவில் வங்கதேச நாட்டினர் ஹிந்தி மொழியில் பேசவும் கையெழுத்திடவும் பயிற்சி பெற்றனர். பின்னர், இந்த சட்டவிரோத வங்காளதேசியர்களுக்கு இந்து பெயர்கள் கொண்ட போலி இந்திய பாஸ்போர்ட்டுகள் வழங்கப்பட்டு வெளிநாடுகளுக்கு அனுப்பத் தயார்படுத்தப்பட்டனர்.

மேலும், போலி ஆவணங்களை தயாரித்து, வங்கதேசம் மற்றும் ரோஹிங்கியாக்கள் இந்தியாவிலும் வெளிநாடுகளிலும் சட்டவிரோதமாக நுழைவதற்கு வசதி செய்ததற்காக நூர் ஆலம் மற்றும் முகமது ஜமீல் என்ற இரண்டு ரோஹிங்கியாக்களை உபி ஏடிஎஸ் நவம்பர் மாதம் மேற்கு வங்க மாநிலம் கொல்கத்தாவில் இருந்து கைது செய்தது .