கிறிஸ்தவ சிறுபான்மையினராக ஒரே இரவில் போலி சர்டிபிகேட் : மதமாற்றத்தை ஊக்குவிக்கும் ஜெகன் மோகன் ரெட்டி அரசு..!

விசாகப்பட்டினம் மாவட்டத்தில் மண்டல பிரஜா பரிஷத் தேர்தலில் சிறுபான்மையினருக்கான இட ஒதுக்கீட்டில் கூட்டுறவு பதவிகளுக்கு உறுப்பினர்களை நியமிப்பதில் கடுமையான மீறல் இருப்பதாக, ஆந்திர கிறிஸ்துவ தலைவர்கள் மன்ற மாநில தலைவர் ஆலிவர் ராய் குற்றம் சாட்டியுள்ளார். கிறிஸ்தவ சிறுபான்மையினராக ஒரே இரவில் போலி ஞானஸ்நான சான்றிதழ் தயாரித்தவர்களுக்கு இந்த பதவிகள் வழங்கப்பட்டன, என்றார்.

இந்த சிறுபான்மை ஒதுக்கீட்டில் பிறப்பால் கிறிஸ்தவர்களாக உள்ளவர்களுக்கு மட்டுமே இந்த பதவிகள் நிரப்பப்பட வேண்டும் என்று கூறினார். போலி சான்றிதழ்களைப் பெற்றவர்களுக்கு பதவிகளைக் கொடுப்பது கிறிஸ்தவ சமூகத்திற்கு அநீதி மட்டுமல்ல, சம்பந்தப்பட்ட அரசியல்வாதிகள் சட்டத்தை மீறுவதாகவும் அவர் குற்றம் சாட்டினார்.

விசாகப்பட்டினம் மாவட்டத்தில் எம்பிபி பதவிக்கு சுமார் 14 பரிந்துரைகள் மோசடி வழிகளில் செய்யப்பட்டதாக அவர் குற்றம் சாட்டினார். மேலும் அரசாங்க அதிகாரிகளும் கட்டாயத்தின் பேரில் செயல்பட அழுத்தம் கொடுத்ததாக தெரிகிறது.

கிறிஸ்துவ சிறுபான்மை பிரிவின் கீழ் பரிந்துரைக்கப்பட்ட சில பரிந்துரைகள்: அனகப்பள்ளியைச் சேர்ந்த போண்டா அப்பலராஜு (காபு), அச்சுதாபுரத்தைச் சேர்ந்த செபால ஸ்ரீராமுலு (மீனவர் சமூகம்), பீமிலியைச் சேர்ந்த ககாரா எல்லாராவ் (செட்டி பாலிஜி) மற்றும் புச்சையாப்பேட்டையைச் சேர்ந்த கோலிமேலா அட்சினைடு (துர்பு காபு).

இந்த நியமனங்கள் குறித்து விசாரணை நடத்தப்பட்டு அதற்கு காரணமானவர்கள் மீது கடுமையான நடவடிக்கை எடுக்கப்பட வேண்டும் என்று ஆலிவர் ராய் கோரினார். அரசாங்கத்தின் இத்தகைய நடவடிக்கைகள் சமூகத்திற்கும் அரசாங்கத்திற்கும் இடையே அவநம்பிக்கையை உருவாக்கும், என்றார்.

கிறிஸ்தவ சமூகம் அரசியல் ஆதரவுடன், அரசியல் ஆதாயத்திற்காக மதமாற்றத்தில் ஈடுபட்டதாக தேவையற்ற விமர்சனங்களை எதிர்கொண்டனர். இது போன்ற பதவிகளை கவர்ந்திழுப்பதன் மூலம் அரசாங்கம் தானாகவே மதமாற்றங்களை ஊக்குவிக்கிறது என்பதையும் இது குறிக்கிறது.