கொரோனா தடுப்பூசி: 60 வயதை கடந்தவர்கள் 50 லட்சம் பேர் முன்பதிவு.!

கொரோனா தடுப்பூசி 2ம் கட்டமாக 60 வயதுக்கு மேற்பட்டவர்களுக்கும் மற்றும் 45 வயதுக்கு மேற்பட்ட இணை நோய் உள்ளவர்களுக்கும் செலுத்தப்பட்டு வருகிறது.

இதற்காக கோவின் இணையதளத்தில் முன்பதிவு செய்து கொள்வதற்கு மத்திய அரசு ஏற்பாடு செய்துள்ளது.

இந்நிலையில், கோ-வின் இணையதளத்தில் பெயர்களை பதிவு செய்யும் வசதி 1ம் தேதி காலை 9 மணிக்கு தொடங்கியது.

இதுவரை சுமார் 50 லட்சம்பேர் தங்கள் பெயர்களை பதிவு செய்துள்ளதாக மத்திய சுகாதார அமைச்சகம் தகவலை தெரிவித்துள்ளது.

அதுபோன்று இந்த பிரிவினரில் 2 லட்சத்து 8 ஆயிரத்து 791 பேருக்கு இதுவரை முதல் 'டோஸ்' தடுப்பூசி செலுத்தப்பட்டுள்ளதாக கூறப்பட்டுள்ளது. இதன் எண்ணிக்கை மேலும் அதிகரிக்கும் என கூறப்படுகிறது.