போஸ்ட் ஆபீஸ் சேமிப்பு கணக்குகளில் குறைந்தபட்ச இருப்பு வரம்பு அதிகரிப்பு : டிசம்பர் 12 முதல் நடைமுறை.!

தபால் அலுவலகங்களில் சேமிப்பு கணக்கு வைத்துள்ளவர்கள் இதற்கு முன்பாக குறைந்த பட்ச தொகையாக ரூ.100 பராமரித்து வவந்தனர் அதே சமயம் பராமரிப்புக் கட்டணம் எதுவும் இல்லை. இந்நிலையில் பராமரிப்பு கட்டணத்தை தவிர்க்க வேண்டுமென்றால் இனி வாடிக்கையாளர்கள் தங்கள் கணக்குகளில் குறைந்த பட்ச இருப்பு தொகையாக ரூ.500 பராமரிப்பது கட்டாயம் என இந்தியா தபால் அலுவலகம் தனது அதிகாரபூர்வ டுவிட்டரில் ட்வீட் செய்துள்ளது.

பராமரிப்பு கட்டணத்தைத் தவிர்ப்பதற்காக வாடிக்கையாளர்கள் தபால் அலுவலக சேமிப்புக் கணக்குகளில் குறைந்தபட்சம் ரூ .500 நிலுவைத் தொகையை பராமரிக்க வேண்டும். இந்தத் திருத்தம் டிசம்பர் 12 முதல் நடைமுறை 12 ஆம் தேதி முதல் அமலுக்கு வரும் எனவும் அந்த அறிக்கையில் கூறப்பட்டுள்ளது.

மேலும் "இப்போது தபால் அலுவலக சேமிப்பு கணக்கில் குறைந்தபட்ச இருப்பு வைத்திருப்பது கட்டாயமாகும்" என்றும் கூறியுள்ளது.

மேலும் "பராமரிப்பு கட்டணத்தைத் தவிர்ப்பதற்காக 11.12.2020 க்குள் உங்கள் தபால் அலுவலக சேமிப்புக் கணக்குகளில் குறைந்தபட்சம் ரூ .500 இருப்பு வைத்திருங்கள்" என்றும் அந்த செய்தியில் கூறப்பட்டுள்ளது.

மேலும் பராமரிப்புக் கட்டணமாக ரூ .100 விலக்கு அளிக்கப்படுவதைத் தவிர்க்க, தபால் அலுவலக சேமிப்பு வங்கி கணக்கு வைத்திருப்பவர் நிதியாண்டின் இறுதியில் குறைந்தபட்சம் ரூ.500 நிலுவை பராமரிக்க வேண்டும் என்பதைக் கவனத்தில் கொள்ள வேண்டும்.

மேலும், கணக்கில் குறைந்த பட்ச இருப்பு தொகை இல்லை என்றால், கணக்கு மூடப்படும் எனவும் தெரிவிக்கப்பட்டுள்ளது.

வங்கி நிலை வைப்பு (எஃப்.டி) விஷயத்தில் இது அதிக நன்மை பயக்கும் என்று கருதப்படுகிறது. அதன் எஃப்.டி மற்ற வங்கிகளை விட சிறந்த வருவாயைப் பெற்று வருகிறது.

தபால் அலுவலக கணக்குகளில் எஃப்.டி. கணக்குகள் மூலம் 6.25% முதல் 7.5% வரை வட்டி பெறுகின்றன. வங்கியில், இந்த விகிதம் 3.75 முதல் அதிக பட்சம் 6 வரையே உள்ளன.

மேலும் 10 வயதுக்கு மேற்பட்ட சிறுவர்கள் கூட தபால் அலுவலக சேமிப்புக் கணக்கை தாங்களாகவே தொடக்கி திறந்து இயக்கலாம் என்பதும் கூட்டு முறையில் கணக்கு தொடங்கி இயக்கலாம் என்பதும் குறிப்பிடத்தக்கது. தபால் அலுவலக சேமிப்பு முறைகளால் முதியோர் மற்றும் கிராமப்புறங்களில் ஏராளமானவர்கள் பயன்பெற்று வருகின்றனர்.