ரொம்ப டேஞ்சராம்! - 12,000 ரூபாய்க்கும் குறைவான சீன போன்களை தடை செய்ய இந்தியா திட்டம்!

சீனாவின் தயாரிப்புகளில் உருவான செல்போன்கள் ரூ.12,000 விலைக்கும் குறைவானவற்றுக்குத் தடை விதிக்க ஆலோசனை நடக்கிறது.

இந்தியாவில் சீன நிறுவனங்களின் தயாரிப்பில் உருவான செல்போன்களுக்கு முக்கியத்துவம் கிடைத்து வருகிறது. இவை குறைவான விலைகளில் அதிநவீன வசதிகளுடன் உள்ளன. இதனால், சீன செல்போன்களை இந்தியர்கள் அதிகமாகப் பயன்படுத்தும் சூழல் நிலவுகிறது. இதைத் தடுப்பதுடன் இந்திய தயாரிப்புகளுக்கு முக்கியத்துவம் வழங்க மத்திய அரசு விரும்புகிறது.

எனவே, சீனாவின் தயாரிப்புகளில் ரூ.12,000 விலைக்கும் குறைவானவற்றை இந்தியாவில் தடை செய்ய ஆலோசனை செய்யப்படுகிறது. இந்த தடையினால் சீனாவின் பல முக்கிய நிறுவனங்கள் பாதிப்பு உண்டாகும் வாய்ப்புகள் உள்ளன. ஏனெனில், கரோனா பரவலால் சர்வதேச அளவில் வீழ்ச்சி அடைந்த சந்தையில் செல்போன்களை சீனா மீண்டும் நிலை நிறுத்திக் கொண்டுள்ளது.

ஏற்கெனவே, சீனாவின் சுமார் 20 செயலிகள் இந்தியாவில் தடை செய்யப்பட்டுள்ளன. இதனால், அவை பயன்படுத்தப்படும் செல்போன்களுக்கு சிறிது பாதிப்புகள் ஏற்பட்டன. இனி, இந்த குறைந்த விலை செல்போன்களுக்கும் விதிக்கப்படும் தடையினால் சீனாவின் நிறுவனங்களும் பாதிக்கப்படும். சீனாவில் செல்போன்கள் தயாரிப்பு நிறுவனங்களாகளில் சில இந்தியாவில் வரி ஏய்ப்பில் சிக்கியுள்ளன. இதன் மீதான விசாரணையை மத்திய அரசின் பொருளாதாரப் பிரிவுகள் துவக்கி உள்ளன.

Input From: Ndtv