குடியுரிமை சட்டத்தின் காரணமாக எந்த இந்தியனும் குடியுரிமையை இழக்க மாட்டார்! விதிகள் வகுக்கும் பணி தீவிரம்!

ஒரு வருடத்திற்கு இயற்றப்பட்டகுடியுரிமை திருத்த சட்டத்தின் கீழ் விதிகள் தயாரிக்கப்பட்டு வருவதாக மக்களவைக்கு செவ்வாய்க்கிழமை தெரிவிக்கப்பட்டது.

குடியுரிமை திருத்த சட்டம் (சிஏஏ), 2020 ஜனவரி 10 முதல் அமலுக்கு வரும் என்று மத்திய உள்துறை இணை அமைச்சர் நித்யானந்த் ராய் தெரிவித்த நிலையில், அதற்கான பணிகள் தாமதமாக மேற்கொள்ளப்பட்டு வருகின்றன.

தற்போது குடியுரிமை திருத்தம் சட்டம், 2019 இன் கீழ் விதிகள் தயாராகி வருகின்றன. CAA கீழ் இந்த விதிகளை வகுக்க, துணை சட்டம் இயற்ற, மக்களவை மற்றும் மாநிலங்களவை தொடர்பான குழுக்களுக்கு ஏப்ரல் 9 மற்றும் ஜூலை 9 வரை கால அவகாசம் வழங்கப்பட்டுள்ளன.

முஸ்லீம் அல்லாத சிறுபான்மையினரான இந்து, சீக்கிய, சமண, புத்த, பார்சி மற்றும் பாகிஸ்தான், பங்களாதேஷ் மற்றும் ஆப்கானிஸ்தானின் கிறிஸ்தவர்களுக்கு இந்திய குடியுரிமை வழங்க வசதியாக இருக்கும் சி.ஏ.ஏ சட்டம், 2019 டிசம்பரில் நாடாளுமன்றத்தால் நிறைவேற்றப்பட்டது.

இந்தச் சட்டத்திற்கு ஜனாதிபதி டிசம்பர் 12, 2019 அன்று ஒப்புதல் அளித்திருந்தார். இந்தச் சட்டத்தின் கீழ், மூன்று நாடுகளில் மதத் துன்புறுத்தல் காரணமாக 2014 டிசம்பர் 31 ஆம் தேதி வரை இந்தியாவுக்கு வந்த இந்த சமூகங்களைச் சேர்ந்தவர்கள் சட்டவிரோத குடியேறியவர்களாக கருதப்பட மாட்டார்கள். அவர்களுக்கு இந்திய குடியுரிமை வழங்கப்படும்.

CAA பாராளுமன்றத்தால் நிறைவேற்றப்பட்ட பின்னர், நாட்டில் பரவலான எதிர்ப்புக்கள் வந்தன. CAA சட்டத்தை எதிர்ப்பவர்கள் இது மதத்தின் அடிப்படையில் பாகுபாடு காட்டுவதாகவும் அரசியலமைப்பை மீறுவதாகவும் வாதிடுகின்றனர். இந்தியாவில் உள்ள முஸ்லீம் சமூகத்தை குறிவைக்கும் நோக்கில் உள்ளது என்றும் அவர்கள் குற்றம் சாட்டுகின்றனர்.

இருப்பினும், மத்திய உள்துறை அமைச்சர் அமித் ஷா இந்த குற்றச்சாட்டுகளை நிராகரித்ததோடு, CAA க்கு எதிரான போராட்டங்களை பெரும்பாலும் "அரசியல்" என்று விவரித்தார். இந்தச் சட்டத்தின் காரணமாக எந்த இந்தியனும் குடியுரிமையை இழக்க மாட்டார் என்று அவர் வலியுறுத்தினார்.

பாராளுமன்ற பணிகள் குறித்த கையேடு, "சம்பந்தப்பட்ட சட்டம் நடைமுறைக்கு வந்த நாளிலிருந்து ஆறு மாத காலத்திற்குள் சட்டரீதியான விதிகள், ஒழுங்குமுறைகள் மற்றும் துணை சட்டங்கள் வடிவமைக்கப்படும்" என்று கூறுகிறது.