ஜம்மு காஷ்மீரில் குறி வைத்து தூக்கப்பட்ட ஜெய்ஷ்-இ-முகமது அமைப்பை சேர்ந்த பயங்கரவாதி!

கத்தார் நாடு கடத்தப்பட்டதைத் தொடர்ந்து, டெல்லியில் உள்ள இந்திரா காந்தி சர்வதேச விமான நிலையத்தில் இருந்து, ஜெய்ஷ்-இ-முகமது (ஜெ.எம்) தீவிரவாத இயக்கத்தை சேர்ந்த நபரை குல்கம் போலீசார் கைது செய்துள்ளதாக ஜம்மு-காஷ்மீர் போலீசார் தெரிவித்தனர்.

ஜம்மு-காஷ்மீரில் பிஜ்பெஹாராவில் வசிக்கும் முனிப் சோஃபி, கடந்த ஆண்டு குல்காமில் நடந்த மோதலில் கொல்லப்பட்ட பாகிஸ்தான் பயங்கரவாதி வலீத் பாய் என்பவருக்காக பணிபுரிந்து வந்ததாக போலீசார் தெரிவித்தனர். சோபிக்கு எதிராக உள்ளூர் நீதிமன்றம் ஜாமீனில் வெளிவராத வாரண்ட் பிறப்பித்ததைத் தொடர்ந்து அவருக்கு எதிராக நோட்டீஸ் அனுப்பப்பட்டது.

"எஃப்.ஐ.ஆர் எண் 58/2020 யு / எஸ் 13, 18, 19, 38, 39 யுஎல்ஏ (பி) சட்டத்தில் கூறப்பட்ட ஓ.ஜி.டபிள்யூவின் பங்கு வெளிவந்தது. அந்த வழக்கில் கைது செய்யப்பட்ட ஒருவர் காஷ்மீரில் உள்ள பல்வேறு மாவட்டங்களில் இருந்து ஜெய்ஷ்-இ-முகமது அமைப்புக்கு பணம் சேகரித்துக் கொண்டிருந்ததாக ஒத்துக்கொண்டார்.

சேகரிக்கப்பட்ட தொகையை கத்தாரில் இருந்த முனீப் அஹ்மத் சோஃபிக்கு ஒப்படைத்து வந்தனர். மேலும் ஆயுதங்கள் மற்றும் வெடிமருந்துகளை வாங்குவதற்காக ஜெய்ஷ்-இ-முகமது அமைப்பு பாகிஸ்தானில் இருந்து செயல்பட்டதாக , போலீசார் ஒரு அறிக்கையில் தெரிவித்தனர்.

இதனை தொடர்ந்தே "முனீப்பிற்கு எதிராக ஒரு தேடல் அறிவிப்பு வெளியிடப்பட்டது. மேலும் ஜாமீனில் வெளிவர முடியாத பிடியாணை நீதிமன்றத்தில் இருந்து பெறப்பட்டது.

புல்வாமா மாவட்டத்தில் இராணுவம் மற்றும் சிஆர்பிஎஃப் ஆகியவற்றுடன் இணைந்து, காவல்துறையினர் அவந்திபோரா பகுதியைச் சேர்ந்த ஜெய்ஷ்-இ-முகமது என்ற இரண்டு பயங்கரவாத அமைப்பை சேர்ந்தவர்கள் தங்குமிடம், தளவாடங்களை கையாளும் பகுதியை முற்றுகையிட்டதாக ஒரு போலீஸ் அதிகாரி கூறினார்.

கைது செய்யப்பட்ட நபர்கள் மாவட்டத்தின் அவந்திபோரா மற்றும் டிரால் பகுதிகளில் போராளிகளுக்கு ஆயுதங்கள் மற்றும் வெடிமருந்துகளையும் கொண்டு செல்வதாகவும், ஜெய்ஷ்-இ-முகமது பயங்கரவாதிகளுக்கு முக்கியமான தகவல்களை அனுப்புவதாகவும் அவர் மேலும் தெரிவித்தார்.