அயோத்தி கோவில் கருவறையில் வில்ஏந்திய ராமர் சிலை - ராம ஜென்ம பூமி அறக்கட்டளை தகவல்

உத்திரபிரதேச மாநிலம் அயோதியில் ராமர் கோவில் பிரம்மாண்டமாக கட்டப்பட்டு வருகிறது. கோவில் கருவறையில் அடுத்த ஆண்டு மகர சங்கராந்தியின் போது புதிய ராமர் சிலை நிறுவப்பட உள்ளது. அந்த சிலை வில் ஏந்திய தோற்றத்தில் இருக்கும் என ராமஜென்ம பூமி தீர்த்தஷேத்திர அறக்கட்டளை உறுப்பினரான சுவாமி தீர்த்த பிரசன்னாச்சார்யா தெரிவித்தார்.

நேற்று முன்தினம் முடிவடைந்த அறக்கட்டளையின் இரண்டு நாள் கூட்டத்தில் கோவில் கருவறையில் நிறுவப்படும் ராமர் சிலை குறித்த விவரங்கள் முடிவு செய்யப்பட்டன. இதை அடுத்து அறக்கட்டளை உறுப்பினர் தீர்த்த பிரசன்னாச்சாரியா ராமர் சிலை பற்றிய தகவல்களை நேற்று வெளியிட்டார்.

புதிய ராமர் சிலை ஐந்து அடி உயரத்தில் நிற்கும் நிலையில் வில் அம்பு தாங்கிய தோற்றத்தில் இருக்கும். கர்நாடகத்திலிருந்து தெரிவிக்கப்படும் 'கிருஷ்ண சிலா' எனப்படும் அபூர்வ வகை கருங்கல்லில் மைசூருவைச் சேர்ந்த பிரபல சிற்பி அருண் யோகிராஜ் ராமர் சிலையை வடிப்பார் என்று அவர் கூறினார்.