மதரஸா உள்ளே அரங்கேறிய பயங்கரவாத நடவடிக்கை - நாடு முழுவதும் நெட்வொர்க் அமைத்த தீவிரவாத கும்பல்: வெளியாகும் அதிர்ச்சி தகவல்!

மேற்கு வங்க காவல்துறையின் சிறப்பு அதிரடிப் படை, ஜமாத்-உல்-முஜாஹிதீன் பங்களாதேஷ் உடன் தொடர்புடையதற்காகவும், ஜேஎம்பி பயங்கரவாதிகளுக்கு அடைக்கலம் கொடுத்ததற்காகவும் ஹவுராவின் பாங்க்ராவைச் சேர்ந்த மதரஸா ஆசிரியரை கைது செய்தது.

அனிருதின் அன்சாரி முதலில் புருலியா மாவட்டத்தைச் சேர்ந்தவர், ஹவுராவில் வாடகைக்கு தங்கி உள்ளூர் மதரஸாவில் கற்பித்து வருகிறார்.அவர் மதரஸாவில் குழந்தைகளுக்குப் பாடம் சொல்லிக் கொடுத்துவிட்டு தனியாக வசித்து வந்தார். எப்போதாவது வெளியாட்கள் வருவார்கள், ஆனால் சந்தேகத்திற்குரிய எதுவும் இல்லை,என்று பாங்க்ராவில் உள்ள முன்சிதங்காவைச் சேர்ந்த நூருல் ஹசன் கருத்து தெரிவித்தார். அப்பகுதியில் வசிக்கும் மற்றொருவர் சூகத் அலி கான் கூறுகையில், "அவர் ஒரு தன்னார்வ தொண்டு நிறுவனத்தில் கற்பித்து வந்தார் என்றனர்.

இருப்பினும், மாநில காவல்துறையின் சிறப்பு அதிரடிப் படை அதிகாரிகள் கூறுகையில், கைது செய்யப்பட்ட மதரஸா ஆசிரியர் ஜேஎம்பியின் இரண்டு பயங்கரவாதிகளுக்கு தனது ஹவுரா விடுதியில் அடைக்கலம் கொடுத்ததாக எஸ்டிஎஃப் தெரிவித்துள்ளது. அன்சாரி இந்த பயங்கரவாதிகளுக்கு பல்வேறு வகையான போலி அடையாள அட்டைகளை தயாரித்து நாசவேலைகளில் ஈடுபட்டார் என்றும் அதிகாரிகள் தெரிவித்தனர் .

அவர் பங்களாதேஷின் குடிமகன் என்பதை உறுதிப்படுத்தும் சில அடையாள அட்டைகளையும் அவரது உடைமைகளில் இருந்து போலீசார் மீட்டுள்ளனர். ஆனால் அந்த ஆவணங்கள் உண்மையானவையா அல்லது போலியானவையா என்பதை ஆய்வு செய்ய வேண்டும். குற்றவாளிகளிடம் போலீசார் தொடர்ந்து விசாரணை நடத்தி வருகின்றனர். நீதிமன்றத்தில் ஆஜர்படுத்தப்பட்ட அவர், 12 நாட்கள் போலீஸ் காவலில் வைக்கப்பட்டார்.

இஸ்லாமிய பயங்கரவாதக் குழுவான ஜேஎம்பி வங்காளதேசத்தில் 1998 இல் நிறுவப்பட்டாலும், அது ஏற்கனவே மேற்கு வங்கத்தில் இரண்டு பிரிவுகளை நிறுவியுள்ளது. 2005 இல், இந்த அமைப்பு ஒரு பயங்கரவாதக் குழுவாக அதிகாரப்பூர்வமாக ஒப்புக் கொள்ளப்பட்டது. பங்களாதேஷ் அரசாங்கத்தால் தடை செய்யப்பட்டது. இந்த பயங்கரவாதக் குழுவைச் சேர்ந்தவர்கள் 2018 போத்கயா தொடர் குண்டுவெடிப்பு வழக்கில் தண்டனை பெற்றனர்.

சமீப மாதங்களில், பங்களாதேஷ் மற்றும் ரோஹிங்கியா முஸ்லிம்களை சட்டவிரோதமாக இந்தியாவிற்கு அழைத்து வருவது, இந்து பெயர்களில் பாஸ்போர்ட் உள்ளிட்ட போலி அடையாள ஆவணங்களை உருவாக்குவது போன்ற மனித கடத்தல் கும்பல்கள் நாடு முழுவதும், உத்தரபிரதேசம் , மகாராஷ்டிரா மற்றும் கர்நாடகா போன்ற பரவலான இடங்களில் இருந்து கண்டுபிடிக்கப்பட்டுள்ளன.