துரோகிகள் களையெடுக்கப்பட வேண்டும் - ஜெனரல் பிபின் ராவத் குறித்து தரக்குறைவான கருத்து தெரிவித்த நபர் கைது!

பாதுகாப்புப் படைத் தலைவர் ஜெனரல் பிபின் ராவத்தின் மரணம் குறித்து முகநூல் பக்கத்தில் தரக்குறைவாகப் பேசியதாகக் கூறப்படும் வழக்கில், குஜராத்தை சேர்ந்த 44 வயது நபர், அகமதாபாத் சைபர் கிரைம் பிரிவால் கைது செய்யப்பட்டதாக அதிகாரிகள் தெரிவித்தனர்.

குற்றம் சாட்டப்பட்ட சிவபாய் ராம், குஜராத்தின் அம்ரேலி மாவட்டத்தில் உள்ள ராஜுலா தாலுகாவில் உள்ள பெராய் கிராமத்தில் வசிப்பவர் என்று சைபர் கிரைம் பிரிவு தெரிவித்துள்ளது.

ஜெனரல் ராவத்துக்கு எதிராக அவர் கூறியதாகக் கூறப்படும் கருத்துக்கள் குறித்த தகவல் எதுவும் குறிப்பிடவில்லை. ராம் தனது முந்தைய பதிவுகளுக்காக கைது செய்யப்பட்டார். அதில் அவர் இந்து தெய்வங்கள் மற்றும் தேர்ந்தெடுக்கப்பட்ட பிரதிநிதிகள் குறித்து தனது முகநூல் பக்கத்தில் இழிவான கருத்துக்களை வெளியிட்டார் என்று காவல்துறை உதவி ஆணையர் ஜிதேந்திர யாதவ் தெரிவித்தார்.

153-ஏ பிரிவின் கீழ் வெவ்வேறு குழுக்களிடையே பகைமையை ஊக்குவித்த குற்றச்சாட்டின் பேரில் சிவபாய் கைது செய்யப்பட்டுள்ளார். மேலும் ஐபிசியின் 295-ஏ பிரிவின் கீழ் மதத்தை அவமதிப்பதன் மூலம் மத உணர்வுகளை தூண்டும் வகையில் தீங்கிழைக்கும் செயல்களில் ஈடுபட்டதற்காக கைது செய்யப்பட்டுள்ளார்.

ஜெனரல் பிபின் ராவத் மீது சில இழிவான பதிவுகளை பகிர்ந்ததால் குற்றம் சாட்டப்பட்டவர் கண்காணிப்பின் கீழ் வந்தார். அவரது டைம்லைனை சோதனை செய்ததில், அவர் இந்து கடவுள்கள் மற்றும் தெய்வங்களைப் பற்றிய ஆட்சேபனைக்குரிய பதிவுகளை பகிர்ந்துள்ளதை நாங்கள் உணர்ந்தோம். அவர் தனது பேஸ்புக்கில் தேர்ந்தெடுக்கப்பட்ட பிரதிநிதிகளை இழிவுபடுத்தும் வார்த்தைகளையும் பயன்படுத்தினார் என யாதவ் கூறினார்.

எஃப்ஐஆர் பதிவு செய்த பின்னர், சைபர் கிரைம் அதிகாரிகள் அவரது சொந்த இடமான அம்ரேலியில் கைது செய்து அழைத்து வந்தனர். விசாரணையில், ராம் அரசியல் ஈடுபாடு கொண்டுள்ளதாகவும், ஆட்சேபனைக்குரிய பதிவுகளை பகிர்வதன் மூலம் ஊடக வெளிச்சத்தில் இருக்க விரும்புவதாகவும் தெரியவந்துள்ளது என்று காவல்துறை அதிகாரி கூறினார்.

சிவாபாய் 2010 மற்றும் 2014 க்கு இடையில் அவரது கிராமத்தின் துணை சர்பஞ்சாக பணியாற்றினார். வரும் ஆண்டுகளில் அவர் சர்பஞ்சராக தேர்ந்தெடுக்கப்பட வேண்டும் என்ற லட்சியம் இருப்பதால், சமூக ஊடகங்கள் மூலம் முக்கியமான பிரச்சினைகளை எழுப்பி மக்களின் கவனத்தை ஈர்க்க முயன்றார்" என்று யாதவ் கூறினார். .