எங்கள் நம்பிக்கை இந்தியா தான் - ஐதராபாத்தில் டேட்டா சென்டர் அமைத்த மைக்ரோ சாஃப்ட் நிறுவனம்! 15 லட்சம் வேலைவாய்ப்பு உறுதி!

நாட்டின் மின்னணு நடவடிக்கையை துரிதப்படுத்த ஐதராபாதில் இந்திய தரவு மையத்தை நிறுவ மைக்ரோ சாஃப்ட் நிறுவனம் விருப்பம் தெரிவித்துள்ளது. இந்தியாவில் உள்ள மைக்ரோ சாஃப்ட் தரவு மையம் கடந்த ஐந்தாண்டுகளில் 1,69,000 புதிய திறன்மிக்க தகவல் தொழில்நுட்ப வேலைவாய்ப்பு உட்பட 15 லட்சம் வேலைவாய்ப்புகளை உருவாக்கியுள்ளதாக ஒரு தகவல் தெரிவிக்கின்றது.

ஊரடங்குக்கு முன்பாக நாள்தோறும் 270 பீட்டா பைட் தரவு நுகர்வு இருந்த நிலையில் ஊரடங்கிற்கு பிறகு 14 சதவீதம் அதிகரித்து சராசரியாக 308 பீட்டா பைட்டாக அதிகரித்துள்ளது. கொவிட் பாதிப்புக் காலத்திற்கு முன்பைவிட தற்போது ஸ்மார்ட் போன் உபயோகிப்பாளர்கள் 16 சதவீத அளவிற்கு அதிக நேரத்தை செலவழிக்கின்றனர். பள்ளி கல்லூரிகளில் ஆன்லைன் கல்வி, வீட்டிலிருந்தபடியே வேலை ஆகியவற்றின் மூலம் தரவு நுகர்வு பெருமளவு அதிகரித்துள்ளது.

இந்தியா உலகின் மிக துடிப்பான ஸ்டார்ட்அப் அமைப்பாக மாறியுள்ளது. நரேந்திர மோடி அரசாங்கம் இந்தியாவின் ஸ்டார்ட்அப் மற்றும் டிஜிட்டல் பொருளாதாரத்தை முன்பை விட வேகமாக வளரச் செய்து வருவதாக மத்திய அமைச்சர் ராஜீவ் சந்திரசேகர் உறுதிப்படுத்தினார். டிஜிட்டல் மாற்றம், இந்தியா முழுவதும் பொருளாதார வளர்ச்சி மற்றும் சமூக முன்னேற்றத்திற்கான தளமாக கிளவுட்க்கான வாடிக்கையாளர் தேவை அதிகரித்து வருகிறது

இந்தியாவில் மைக்ரோசாஃப்ட் டேட்டாசென்டர் பகுதிகள் 2016 மற்றும் 2020 க்கு இடையில் $9.5பில்லியன் வருவாயை பொருளாதாரத்திற்கு வழங்கியுள்ளன. GDP தாக்கத்திற்கு அப்பால், 169,000 புதிய திறமையான IT வேலைகள் உட்பட பொருளாதாரத்தில் 1.5 மில்லியன் வேலைகள் சேர்க்கப்பட்டதாக IDC அறிக்கை மதிப்பிட்டுள்ளது.

புனே, மும்பை மற்றும் சென்னை முழுவதும் இந்தியாவில் உள்ள மூன்று பிராந்தியங்களின் நெட்வொர்க்குடன் ஹைதராபாத் டேட்டாசென்டர் பகுதி கூடுதலாக இருக்கும். நிறுவனங்கள், ஸ்டார்ட்-அப்கள், டெவலப்பர்கள், கல்வி மற்றும் அரசு நிறுவனங்களுக்கு, மைக்ரோசாஃப்ட் போர்ட்ஃபோலியோ, தரவு தீர்வுகள், செயற்கை நுண்ணறிவு (AI), உற்பத்தித்திறன் கருவிகள் மற்றும் மேம்பட்ட தரவு பாதுகாப்புடன் வாடிக்கையாளர் உறவு மேலாண்மை (CRM) ஆகியவற்றை இது டேட்டா வழங்கும்.