பா.ஜ.க-வை ஆதரித்ததற்காக ஒரு பெண்ணைத் தாக்கி கற்பழித்த கும்பல்!

உத்தரப்பிரதேச மாநிலத்தில், கர்னல்கஞ்ச் சட்டமன்றத் தொகுதி சமாஜ்வாதி கட்சி வேட்பாளர், அவரது சகோதரர்கள் மற்றும் ஆதரவாளர்கள் ஒரு பெண்ணை பாலியல் பலாத்காரம் செய்ததாகவும், அவரை அடித்து உதைத்ததாகவும் வழக்கு பதிவு செய்யப்பட்டுள்ளது.

சனிக்கிழமை இரவு சமாஜ்வாதி கட்சி வேட்பாளர் யோகேஷ் பிரதாப் சிங் மற்றும் பலர் அந்தப் பெண்ணின் வீட்டிற்குள் நுழைந்து, 'பாஜகவை ஆதரித்ததற்காக' அவர் மற்றும் அவரது குடும்ப உறுப்பினர்களைத் தாக்கியதாகக் கூறி அவர்கள் மீது வழக்குப் பதிவு செய்ததாக போலீஸார் தெரிவித்தனர்.

அந்தப் பெண் தனது வீட்டில் சமையல் செய்து கொண்டிருந்தபோது சிங், அவரது இரண்டு சகோதரர்கள் மற்றும் ஆதரவாளர்கள் அவரது வீட்டிற்குள் நுழைந்து சண்டையிட்டனர். இதற்கு அவரது குடும்பத்தினர் எதிர்ப்பு தெரிவித்ததால், அவர்கள் தாக்கப்பட்டனர்.

மேலும் அவர்கள் துப்பாக்கிச் சூடு நடத்தி பெண்ணின் தங்க நகையை பறித்துச் சென்றதாக புகாரின் பேரில் போலீஸார் தெரிவித்தனர்.

சிங்கின் ஆதரவாளர்கள் அந்த பெண்ணிடம் பாஜகவுக்கு வாக்களிப்பது தவறு என்று கூறி, வயல்களுக்கு அழைத்துச் சென்று பாலியல் பலாத்காரம் செய்ததாகக் கூறப்படுகிறது. இரண்டு பேர் கைது செய்யப்பட்டுள்ளதாக காவல்துறை கண்காணிப்பாளர் சந்தோஷ் குமார் மிஸ்ரா தெரிவித்தார்.

சிங் மற்றும் அவரது ஆதரவாளர்களின் வீடுகளுக்கு வெளியே அவர்களைக் கண்காணிக்க போலீஸ் படை நிறுத்தப்பட்டுள்ளது, மேலும் பாஜக வேட்பாளர் அஜய் குமார் சிங்குக்கு பாதுகாப்பு வழங்கப்பட்டுள்ளது என்று எஸ்பி கூறினார்.