பகவத் கீதையை குப்பைத் தொட்டியில் வீசிய ஆசிரியர் !

பகவத் கீதையை குப்பைத் தொட்டியில் வீசி, இந்து கடவுள்களையும் தெய்வங்களையும் அவமதித்ததாக குற்றம் சாட்டப்பட்ட பீகார் மாநிலம் கயா மாவட்டத்தைச் சேர்ந்த பள்ளி ஆசிரியர் மீது தெல்ஹா காவல் நிலையம் எஃப்ஐஆர் பதிவு செய்துள்ளது. ஆனால், சம்பவம் நடந்த கேந்திரிய வித்யாலயா பள்ளியின் உள்விவகாரம் எனக் கூறி, புகாரைப் பதிவு செய்ய போலீஸார் முதலில் மறுத்துவிட்டனர்.

மேலும், இந்த விவகாரம் குறித்து கல்வித்துறை தனது அறிக்கையை இன்னும் வெளியிடவில்லை, இதுவரை யாரும் கைது செய்யப்படவில்லை. ஒப்பந்த ஊழியராக இருந்த ஆசிரியர் பணியிலிருந்து நீக்கப்பட்டார். தற்போது இந்த வழக்கில் எஃப்ஐஆர் பதிவு செய்யப்பட்டுள்ளதாகத் தெரிவிக்கப்பட்டது. புகாரின்படி, வழக்கு எண். 307/21 ஐபிசி 295A, 298, 504 மற்றும் 506 இன் பல்வேறு பிரிவுகளின் கீழ் பதிவு செய்யப்பட்டுள்ளது.

சம்பவத்தின் பின்னணி

பீகார் மாநிலம் கயா மாவட்டத்திலுள்ள கேந்திரிய வித்யாலயா பள்ளி ஆசிரியர் , பகவத் கீதையை மாணவரின் பையில் இருந்து வெளியே எடுத்து குப்பைத் தொட்டியில் வீசியதாக குற்றம் சாட்டப்பட்டது . மேலும், அவர் இந்துக் கடவுள்களையும் தெய்வங்களையும் அவமதித்ததாகக் குற்றம் சாட்டப்பட்டதாகவும், இந்தச் சம்பவத்தைப் பற்றி யாரிடமாவது கூறினால், தோலுரித்துவிடுவேன் என்றும் மிரட்டியதாகவும் கூறப்படுகிறது.

கயா நகரின் பாகேஸ்வரி சாலையில் கேந்திரிய வித்யாலயா பள்ளி அமைந்துள்ளது. பாதிக்கப்பட்ட மாணவியின் தந்தை, உள்ளூர் காவல் நிலையத்தில் புகார் அளிக்க முயன்றார். அப்போது புகார் வாங்க மறுக்கப்பட்டது. பிறகு பாதிக்கப்பட்ட பெண்ணின் தந்தை பூஜாரி ராகுல் சிங், கல்வித்துறை உயர் அதிகாரிகளிடம் புகார் அளித்தார். அவரது புகாரின் அடிப்படையில் விசாரணை நடத்தப்பட்டது.