காருக்குள் உயிரோடு வைத்து எரித்துக்கொல்லப்பட்ட பா.ஜ.க தலைவர் - மர்ம நபர்களின் அட்டூழியம் !

தெலங்கானா மாநிலம் மெடக் மாவட்டத்தில், பாரதீய ஜனதா கட்சியின் முன்னாள் மாவட்டத் துணைத் தலைவர் வி.சீனிவாஸ் பிரசாத் உடல் காரினுள் எரிந்த நிலையில் மீட்கப்பட்டுள்ளது.

புதன்கிழமை அதிகாலையில், மேடக் போலீஸாருக்கு காரின் உடற்பகுதியில் ஒரு உடல் கிடப்பதாக தகவல் கிடைத்தது. அது சில மர்மநபர்களால் தீப்பற்றி எரிக்கப்பட்டுள்ளது. போலீசார் சம்பவ இடத்திற்கு வந்து பா.ஜ.க தலைவரின் உடலை மீட்டனர்.

மேடக் மாவட்ட காவல்துறை கண்காணிப்பாளர் சந்தனா தீப்தி கூறுகையில், சில அடையாளம் தெரியாத நபர்கள் ஸ்ரீனிவாசை காரோடு தீ வைத்ததாக தெரிவித்துள்ளார்.

இந்த வழக்கு குறித்து விசாரணையை தொடங்கியுள்ளதாக போலீஸ் அதிகாரி கூறினார். தற்போது பிரேத பரிசோதனைக்காக உடல் உள்ளூர் அரசு மருத்துவமனைக்கு கொண்டு செல்லப்பட்டது. 302 ஐபிசி -யின் கீழ் வழக்கு பதிவு செய்யப்பட்டுள்ளது என்று அந்த அதிகாரி கூறினார்.