இந்தியாவுடன் மீண்டும் உறவில் இணையும் அமெரிக்கா!! விரைவில் வரப்போகும் புதிய ஒப்பந்தம்!!

இந்தியாவுக்கான புதிய அமெரிக்க தூதர் செர்ஜியோ கோர் பதவியேற்றுள்ளார். வாஷிங்டன்னில் நடைபெற்ற இவருடைய பதவி ஏற்பு விழாவில் அமெரிக்க அதிபர் டிரம்ப் இந்தியா மற்றும் அமெரிக்காவின் வர்த்தக உறவு குறித்து சில முக்கிய கருத்துகளை தெரிவித்தார். இந்திய பிரதமர் மோடியுடன் சிறந்த உறவு இருப்பதாகவும், மிக விரைவில் இந்தியாவுடன் புதிய வர்த்தக ஒப்பந்தம் ஏற்படுத்தப் போவதாகவும் இது முற்றிலும் வேறுபட்ட ஒப்பந்தமாக இருக்கும் என்று ட்ரம்ப் கூறியதோடு அமெரிக்கா இந்தியா மீது விதிக்கப்பட்டிருந்த அதிகப்படியான வரிகளை நீக்கப்படும் என்று தெரிவித்தார்.

இறுதி கட்டத்தில் இருக்கும் புதிய ஒப்பந்தமானது மிகவும் நியாயமான ஒப்பந்தமாகவும், இரண்டு நாடுகளுக்கும் நன்மை அளிக்க கூடிய வகையிலும் இருக்கும் என்று தெரிவித்தார். இந்த புதிய ஒப்பந்தத்தால் தற்பொழுது அமெரிக்காவை விரும்பாத இந்தியா எதிர்காலத்தில் மீண்டும் அமெரிக்காவை விரும்பும் என்று எதிர்பார்க்கப்படுகிறது என்று தெரிவித்தார்.

தற்பொழுது ரஷ்யாவிடம் இருந்து கச்சா எண்ணெய் வாங்குவதை இந்தியா குறைத்துள்ளதால் இந்தியாவின் மீது அமெரிக்கா விதித்த அதிகப்படியான வரியை குறைக்க போவதாகவும், இதனால் இந்தியா மைதான பொருளாதார அழுத்தம் குறையும் என்று தெரிவித்தார். இந்தோ பசிபிக் பிராந்தியத்தில் இந்தியா தான் அமெரிக்காவிற்கு உறுதுணையாக இருக்கிறது என்றும், நாடுகளின் உறவு மற்றும் ராணுவம், பொருளாதாரம் போன்றவை உறுதியடையும் என்று தெரிவித்தார்.

வரலாற்றில் முன்பு இல்லாத வகையில் 41 நாள் அரசு முடக்கமானது முடிவுக்கு வரவுள்ளது. இந்நிலையில் ஜனநாயக கட்சியின் சில பிரதிநிதிகள் சமரசத்திற்கு வந்துள்ளதால் செனட் சபை மசோதாவிற்கு ஒப்புதல் அளித்துள்ளது. இதனால் நிர்வாகம் மீண்டும் இயல்பு நிலைக்கு திரும்பும் என்று எதிர்பார்க்கப்படுகிறது.