பிரகதி கூட்டத்தில் பிரதமரால் மதிப்பாய்வு செய்யப்பட்ட ரூ62,000 கோடிக்கும் அதிகமான மதிப்புள்ள மெகா உள்கட்டமைப்பு திட்டங்கள்!

பிரதமர் நரேந்திர மோடி கடந்த மே 28 ஆம் தேதி மத்திய மாநில மற்றும் யூனியன் பிரதேச அதிகாரிகளுடன் மெய்நிகர் சந்திப்பில் ரூ62,000 கோடிக்கு மேல் மதிப்புள்ள மெகா உள்கட்டமைப்பு திட்டங்களை ஆய்வு செய்தார்

அதாவது மத்திய மற்றும் மாநில அரசுகளை உள்ளடக்கிய ஐசிடி அடிப்படையிலான செயல்மிகு நிர்வாகம் பிரகதி கூட்டத்திற்கு பிரதமர் மோடி தலைமை தாங்கினார் இந்தக் கூட்டத்தின் போது பல்வேறு மாநிலங்கள் மற்றும் யூனியன் பிரதேசங்களில் அமைந்துள்ள சாலைப் போக்குவரத்து மின்சாரம் மற்றும் நீர்வளத் துறைகளை உள்ளடக்கிய ரூ62,000 கோடிக்கும் அதிகமான ஒட்டுமொத்த செலவில் மேற்கொள்ளப்படும் மூன்று முக்கிய உள்கட்டமைப்புத் திட்டங்களை பிரதமர் மதிப்பாய்வு செய்தார் என்று பிரதமர் அலுவலகம் அறிக்கையில் தெரிவித்துள்ளது

இந்தத் திட்டங்களின் மூலோபாய முக்கியத்துவத்தை வலியுறுத்திய பிரதமர் மோடி செயல்படுத்தல் தடைகளைத் தாண்டி அவை சரியான நேரத்தில் முடிவடைவதை உறுதி செய்வதற்கு ஒருங்கிணைந்த முயற்சிகளுக்கு அழைப்பு விடுத்தார் ரியல் எஸ்டேட் ஒழுங்குமுறை ஆணையத்துடன் இணைக்கப்பட்ட பொதுமக்களின் குறைகளையும் பிரதமர் மோடி ஆய்வு செய்தார்.

மேலும் வீடு வாங்குபவர்களுக்கு நீதி மற்றும் நியாயத்தை உறுதி செய்வதற்காக குறைகளைத் தீர்ப்பதில் தரம் மற்றும் சரியான நேரத்தில் தீர்வு காண்பதன் அவசியத்தை வலியுறுத்திய பிரதமர் தகுதியுள்ள அனைத்து ரியல் எஸ்டேட் திட்டங்களும் RERA சட்டத்தின் கீழ் கட்டாயமாகப் பதிவு செய்யப்படுவதை உறுதி செய்யுமாறு மாநில அரசுகளைக் கேட்டுக் கொண்டார் அதோடு பிரகதி தளம் ரூ20.64 லட்சம் கோடி மதிப்புள்ள 373 திட்டங்களை மதிப்பாய்வு செய்துள்ளதாக பிரதமர் அலுவலகம் தெரிவித்துள்ளது