31 ஆண்டு கால காஷ்மீர் வரலாறு மாறியது! ஒரு துப்பாக்கிச்சூடு கூட நடக்காத மாதம் ஆகஸ்ட் மாதம் !!

கடந்த 1988 ஆம் ஆண்டு முதல் 31 ஆண்டு கால காஷ்மீர் வரலாற்றில் துப்பாக்கிப் பிரயோகம் எதுவும் இல்லாமல், ஒரு தோட்டாக் கூட சுட்ப்பட்டதாக பதிவு இல்லாத மாதம் சென்ற மாதம்தான் என தேசிய பாதுகாப்பு ஆலோசகர் அஜித் தோவல் கூறினார்.

இணைய தடைகள் பாதிக்கப்படுவது மோடி அரசுக்குத் தெரியும், ஆனால் உயிர்களைக் காப்பாற்றுவது அதைவிட மிகவும் முக்கியமானது என்று டெல்லியில் நடைபெற்ற ஒரு நிகழ்ச்சியில் அஜித் தோவல் கூறினார்.

காஷ்மீர் பள்ளத்தாக்கில் பரவலான தகவல் தொடர்பு கட்டுப்பாடுகள் மற்றும் அதன் விளைவாக அங்குள்ள மக்களிடையே ஏற்பட்ட மனக்கசப்பு ஆகியவற்றை ஒப்புக் கொண்ட அதே வேளையில் சென்ற ஆகஸ்ட் 5 ந்தேதி முதல் இன்றைய நாள் வரை காஷ்மீரில் ஒரு தோட்டாக்கூட சுடப்படவில்லை. இது கடந்த 1988 ஆம் ஆண்டிலிருந்து இது வரையுள்ள 31ஆண்டுகளில் ஒரு புதிய பெருமைக்குரிய அனுபவமாகும் என்றார்.

தெற்கு பிளாக்கில் உள்ள பிரதமரின் அலுவலகப் பிரிவில் இரண்டு மணி நேரத்திற்கும் மேலான ஒரு உரையாடலில் மூத்த இந்திய பத்திரிக்கையாளர்கள் மற்றும் சர்வதேச பத்திரிகையாளர்கள் குழுவுடன் அவர் பேசிக் கொண்டிருந்தார்.

அப்போது அவர் மேலும் கூறுகையில் “காஷ்மீர் 1988 ஆம் ஆண்டு முதல் அமைதியற்று காணப்பட்டது, இதற்கு காரணம் ஆப்கானிலுள்ள இரஷ்யப்படைகளை தோற்கடிக்க அப்போதைய பாகிஸ்தான் அதிபர் ஜியா-உல்-ஹக் ஆபரேஷன் டோபாக் (டோபக் என்றால் பாஷ்டோவில் ‘துப்பாக்கி’) என்கிற பயங்கரவாதிகளை ஏவிவிடும் ரகசியத் திட்டத்தை செயல் படுத்தினார். அதே திட்டத்தை சோவியத்துக்கு நண்பனாக இருந்த இந்தியா மீதும் அந்த திட்டம் திருப்பப்பட்டது. அதற்கு இரையானது காஷ்மீர்.

பாகிஸ்தானின் இந்த மூலோபாயமான திட்டத்தால் அவர்களால் உருவாக்கப்பட்ட மோதல்களால் இது வரை காஷ்மீரில் மட்டும் 42,000 உயிர்கள் பலியாகியுள்ளன என்றார். இந்த நிலையில் துப்பாக்கி சுடும் சப்தம் கேட்காத மாதம் சென்ற மாதம் என பெருமைப்பட கூறினார்.

ஆபரேஷன் டோபக்கின் முதல் படி காஷ்மீரில் பிரிவினைவாத அரசியல்வாதிகள் குழுவை அமைப்பதாகும் என்று டோவல் கூறினார். ஒருமுறை தேர்வு செய்யப்பட்டு ஆட்சேர்ப்பு செய்யப்பட்ட பின்னர், அவர்கள் ஹுரியத் மாநாடு என்ற அமைப்பின் கீழ் வருவதற்கான ஏற்பாடு செய்யப்பட்டது . பின்னர் ஒவ்வொருவரும் ரகசியமாக ஒரு போர்க்குணமிக்க அமைப்பை அமைத்தனர்.

ஹுரியத்தில் மிக முக்கியமான குழு சையத் அலி ஷா கிலானியின் ஜாமியட் ஆகும். அதன் போர்க்குணமிக்க சந்ததிதான் ஹிஸ்புல் முஜாஹிதீன் என்றும் கூறிய அவர், ஐ.எஸ்.ஐ அவர்களுக்கு நிதியளித்தது, அவர்கள் கொடுக்கும் பணம் அவர்களின் செயல்திறனுடன் இணைக்கப்பட்டன, அதாவது, எத்தனை போராளிகளை அவர்கள் ஆட்சேர்ப்பு செய்தார்கள் மற்றும் அவர்களின் கொலை நடவடிக்கைகளைப் பொறுத்து இந்த உதவிகள் அளிக்கப்பட்டதாக கூறினார்.