இந்தியா எங்கள் பேச்சை கேட்காவிட்டால், வங்கதேச இந்துக்களின் வாழ்க்கையை அவலமாக்குவோம் - இஸ்லாமிய அமைப்பு விடுக்கும் மிரட்டல்!

கர்நாடகாவில் பர்தா அணிந்து வகுப்பறைக்குள் மாணவிகளை அனுமதிக்காவிட்டால், வங்கதேசத்தில் உள்ள இந்துக்களின் வாழ்க்கையை அவலமாக்குவோம் என வங்கதேச இஸ்லாமியர்கள் மிரட்டல் விடுத்துள்ளனர்.

கர்நாடகாவின் உடுப்பியில் உள்ள சில முஸ்லிம் பெண்கள் பிப்ரவரி முதல் வாரத்தில், தங்களை பர்தா அணிந்து வகுப்பறைகளில் அனுமதிக்க வேண்டும் என்று கோரத் தொடங்கினர். கோரிக்கை கர்நாடகா மற்றும் வேறு சில மாநிலங்களில் உள்ள மற்ற கல்லூரி வளாகங்களுக்கும் பரவியது.

நிர்வாகம் அனுமதி மறுத்ததால் முஸ்லிம் பெண்கள் கர்நாடக உயர் நீதிமன்றத்தை அணுகினர். கர்நாடக உயர் நீதிமன்றத்தின் ஒற்றை பெஞ்ச் இந்த வழக்கை பெரிய அமர்வுக்கு மாற்றியது.

கர்நாடக உயர்நீதிமன்ற தலைமை நீதிபதி ரிது ராஜ் அவஸ்தி தலைமையிலான 3 நீதிபதிகள் அமர்வு இந்த வழக்கை விசாரித்து வருகிறது. முஸ்லீம் சிறுமிகளில் ஒருவர் உச்ச நீதிமன்றத்திற்குச் சென்றார். ஆனால் இந்த மனுவை ஏற்க நீதிமன்றம் மறுத்துவிட்டது, இந்த விவகாரம் ஏற்கனவே உயர் நீதிமன்றத்தால் விசாரிக்கப்பட்டு வருகிறது.

தீவிர இஸ்லாமிய அமைப்பான பாப்புலர் ஃப்ரண்ட் ஆஃப் இந்தியா, அதன் மாணவர் அமைப்பான கேம்பஸ் ஃப்ரண்ட் ஆஃப் இந்தியா மூலம் பர்தா சர்ச்சையை எவ்வாறு தூண்டுகிறது என்பதை பல ஊடக விசாரணைகள் வெளிப்படுத்தியுள்ளன.

இந்தியாவில் பர்தா அணிந்து வகுப்பறைகளில் முஸ்லிம் சிறுமிகளை அனுமதிக்கக் கோரி, வங்கதேசத்தில் உள்ள இஸ்லாமியர்கள் பெரிய அளவில் ஆர்ப்பாட்டத்தில் ஈடுபட்டனர். இந்திய முஸ்லீம் பெண்களை பர்தா அணிந்து வகுப்பறைக்குள் அனுமதிக்காவிட்டால், வங்கதேசத்தில் உள்ள இந்துக்களின் வாழ்க்கையை அவலமாக்குவோம் என்று அவர்கள் மிரட்டினர்.

பங்களாதேஷில் எந்த ஒரு இந்து பெண்ணும் வளையல் அல்லது சிந்தூர் அணிய அனுமதிக்க மாட்டோம் என்று எதிர்ப்பு பேரணியில் ஒரு இஸ்லாமியர் கூறினார் .