தனது தங்கப் பதக்கத்தை கொரனா வீரர்களுக்கு அர்ப்பணித்தார் வீராங்கனை ஹிமா தாஸ்.!

பிரபல ஸ்ப்ரிண்டர் ஹிமா தாஸ் மற்றும் அவர் குழுவினர், 2018 ஆசிய விளையாட்டுப் போட்டிகளில் கலப்பு ரிலேவில் வெள்ளிப்பதக்கம் வென்றிருந்தனர். ஜகார்த்தாவில், இந்திய 4x400 கலப்பு ரிலே குவார்டெட் முகமது அனஸ், எம்.ஆர். பூவம்மா, தாஸ் மற்றும் அரோக்கியா ராஜீவ் ஆகியோர் வென்ற இந்த வெள்ளிப் பதக்கம் வியாழக்கிழமை, தங்கமாக உயர்த்தப்பட்டது. இறுதிப் போட்டியில் முதல் இடத்தைப் பிடித்த பஹ்ரைன் அணி, டோப் சோதனையில் தோல்வியுற்றதற்காக பஹ்ரைனைச் சேர்ந்த கெமி அடேகோயாவுக்கு தடகள ஒருமைப்பாடு பிரிவு நான்கு ஆண்டு தடை விதித்ததால், தகுதி நீக்கம் செய்யப்பட்டது.

மேம்படுத்தப்பட்ட தங்கப் பதக்கத்தை கொரோனா வைரஸ் வீரர்களான, காவல்துறை அதிகாரிகள் மற்றும் மருத்துவர்கள் உட்பட, தொற்றுநோய்க்கு மத்தியில் தன்னலமின்றி பணியாற்றி வரும் அனைவருக்கும் ஹிமா தாஸ் அரப்பணித்துள்ளார்.

"ஆசிய விளையாட்டு 2018 இன் 4x400 கலப்பு ரிலே நிகழ்வின் மேம்படுத்தப்பட்ட தங்கப் பதக்கத்தை போலிஸ், மருத்துவர்கள் மற்றும் COVID-19 இன் இந்த கடினமான காலங்களில் தன்னலமின்றி உழைக்கும் மற்ற அனைத்து கொரோனா வீரர்களுக்கும் நான் அர்ப்பணிக்கிறேன்." என்று தாஸ் ஒரு ட்வீட்டில் கூறினார்.

சுகாதார மற்றும் குடும்ப நல அமைச்சகத்தின் இணையதளத்தில் கிடைத்த சமீபத்திய தகவல்களின்படி, இந்தியாவில் மொத்தம் COVID-19 தொற்றுகள் 13,36,861ஐ எட்டியுள்ளன, இதில் 31,388 பேர் உயிர் இழந்துள்ளனர், 8,49,432 பேர் மீட்கப்பட்டுள்ளனர். செயலில் உள்ள மொத்த தொற்றுகளின் எண்ணிக்கை 4,56,071. மீட்பு விகிதம் 63.53 சதவீதம் என்று அமைச்சகம் கூறியது.

2018 ஆசிய விளையாட்டுப் போட்டிகளில் இந்தியாவின் 69 பதக்கங்களின் எண்ணிக்கை இப்போது 70 ஆக உயர்ந்துள்ளது. இந்தியாவுக்கான புதிய பதக்கங்கள், இப்போது 16 தங்கம், 23 வெள்ளி மற்றும் 31 வெண்கலங்களாக உள்ளன.