பிரதமரின் மத்ஸ்ய கிசான் சம்ரிதிசா யோஜனா - மீன்வளத்துறைக்கு ஒதுக்கீடு 38.45% அதிகரிப்பு!

2023-24 நிதியாண்டுக்கான பட்ஜெட்டை தாக்கல் செய்யும் போது, மத்திய நிதியமைச்சர் நிர்மலா சீதாராமன் தன்னுடைய உரையில், மீன்வளத் துறைக்கு 2022-23 ஆம் ஆண்டில் 1624.18 கோடி ரூபாயும், 2021-22ஆம் ஆண்டில் 1360 கோடி ரூபாயும் ஒதுக்கப்பட்ட நிலையில், 2248.77 கோடி ரூபாயை ஒதுக்குவதாக அறிவித்துள்ளார். இது கடந்த நிதியாண்டில் இருந்து 2022-23 நிதியாண்டின் வரவுசெலவுத் திட்டத்தில் 38.45% அதிகரிப்பைக் குறிக்கிறது. பிரதமரின் மத்ஸ்ய கிசான் சம்ரிதி சா-யோஜனா என்ற புதிய துணைத் திட்டத்தை அவர் அறிவித்தார். இத்துணைத் திட்டம் ரூ. 6,000 கோடி முதலீட்டை இலக்காகக் கொண்டது. மீனவர்கள், மீன் விற்பனையாளர்கள் மற்றும் மீன்பிடித் துறையில் ஈடுபட்டுள்ள குறு மற்றும் சிறு தொழில் நிறுவனங்கள், மீன்வளத் துறையை முறைப்படுத்துவதற்கு கவனம் செலுத்தும் தலையீட்டை எதிர்பார்க்கிறது.

இதில் டிஜிட்டல் உள்ளடக்கம், மூலதன முதலீடு மற்றும் செயல்பாட்டு மூலதனத்திற்கான நிறுவன நிதி அணுகலை எளிதாக்குதல், மீன்வளர்ப்பு மற்றும் மீன்வளத்தில் இயங்கும் குறுந்தொழில்களை ஊக்குவிக்கும் நிறுவனங்களைக் கொண்டுவருவதற்கான ஊக்குவிப்புகள் ஆகியவை அடங்கும். மீன்வளம் மற்றும் மீன்வளர்ப்புத் துறையானது மதிப்புச் சங்கிலித் திறனில் பணியாற்றுதல், நுகர்வோருக்கு பாதுகாப்பான மீன் பொருட்களை வழங்குவதற்கான விநியோகச் சங்கிலிகளை நிறுவுவதற்கு குறு மற்றும் சிறு நிறுவனங்களை ஊக்குவிப்பது, அதன் மூலம் உள்நாட்டு சந்தையை விரிவுபடுத்துதல், இத்துறையில் பெண்களுக்கு வேலை வாய்ப்புகளை உருவாக்குதல் ஆகியவை இதில் அடங்கும்.

பஞ்சாயத்து அளவில் மீன்பிடி கூட்டுறவு உள்ளிட்ட தொடக்கக் கூட்டுறவுச் சங்கங்களை உருவாக்குவது குறித்தும் பட்ஜெட் உரையில் வலியுறுத்தப்பட்டுள்ளது. அடிமட்ட அளவில் கூட்டுறவுச் சங்கங்களை உருவாக்குவது இத்துறையை முறைப்படுத்துவதுடன், மீன் உற்பத்தி மற்றும் அதன் அறுவடைக்குப் பிந்தைய நடவடிக்கைகளை ஒழுங்கமைக்கப்பட்ட முறையில் மேற்கொள்ள மீனவர்கள் மற்றும் மீன் விவசாயிகளுக்கு அதிகாரம் அளிக்கும்.

Input & Image courtesy: News