மத பாகுபாடு குழந்தைகளின் கல்விக்கு முட்டுக்கட்டையாக இருக்கிறதா?

இந்தியாவில் மட்டுமல்ல உலக நாடுகளில் கடவுள் நம்பிக்கைக்கும் மற்றும் பல்வேறு மத கடவுள்களை வணங்குபவர்களுக்கு ஏற்படும் கஷ்டங்கள் உலக அளவில் காணப்படுகிறது. குறிப்பாக ஒரு சில குறிப்பிட்ட மதத்தை சார்ந்த குழந்தைகள் மற்றும் அவர்களுடைய வாழ்க்கைகள் கூட மதம் சம்பந்தப்பட்ட விஷயங்களில் மிகப்பெரிய அளவில் இடையூறை ஏற்படுத்துகிறது. புரியும்படி சொல்ல வேண்டும் என்றால், மேல்சாதி மக்கள் எப்படி கீழ்ஜாதி மக்களை தங்களிடம் இருந்து வேறுபடுத்திக் காட்டும் என்பார்களே! அதைப்போல கடவுள்களை வணங்குபவர்களுக்கு இடையே வித்தியாசத்தை காட்டி அவர்களை அடிமையாக முற்படுகிறார்கள். அந்த வகையில் தற்பொழுது இந்தோனேசியாவில் உள்ள தனிப்பட்ட மதத்தைச் சார்ந்த ஒரு சிறுமியின் படிப்பு மத பாகுபாடு காரணமாக நிறுத்தி வைக்கப்பட்டுள்ளது. டிசம்பர் 2021- இல் வடக்கு கலிமந்தனில் உள்ள தாரகனில் உள்ள அரசுப் பள்ளியில் ஐந்தாம் வகுப்பு படிக்கும் மரியா துன்போனட் என்ற 14 வயது சிறுமியுடன் பேசும் வாய்ப்பு கிடைத்தது. அவளுடைய பள்ளி மற்றும் அவளது பொழுதுபோக்குகள் பற்றி நாங்கள் பேசும்போது அவளது தந்தை அயூப்பும் வீடியோ அழைப்பில் சேர்ந்தார்.

மரியா மூன்று ஆண்டுகளாக ஐந்தாம் வகுப்பில் படித்து வருகிறார். ஏனெனில் அவரது ஆசிரியர்கள் அடுத்த வகுப்பிற்கு செல்ல அனுமதிக்கவில்லை. காரணம்? மரியாவும் அவளுடைய குடும்பமும் யெகோவாவின் சாட்சிகள் மதத்தை சேர்ந்தவர்கள் என கூறப்படுகிறது. யெகோவாவின் 19 ஆம் நூற்றாண்டில் அமெரிக்காவில் தோன்றினர். ஆனால் அதன் பின்னர் உலகம் முழுவதும் விரிவடைந்துள்ளனர். இப்போது அவர்களுக்கு இந்தோனேசியாவில் 510 சபைகள் உள்ளன. 2021-ல் உலகம் முழுவதும் 8.7 மில்லியன் யெகோவாவின் சாட்சிகள் இருப்பதாக அந்தக் குழு கூறியது.

1976 முதல் 2001 வரை இந்தோனேசியாவில் யெகோவாவின் சாட்சிகள் தடை செய்யப்பட்டனர் . 2002 இல், மத விவகார அமைச்சகம் இந்தோனேசியாவில் பதிவு செய்ய அனுமதித்தது. அதன் பின்னர் யெகோவாவின் சாட்சிகள் இந்தோனேஷியாவில் பல்வேறு மக்களை தங்களுடைய மதத்தில் ஈர்த்தது. அந்த மதத்தில் தான் தற்பொழுது மரியாவின் தந்தையும் இணைந்துள்ளார். 2021 இல், தேசிய குழந்தைகள் பாதுகாப்பு ஆணையம், தாரகனில் உள்ள மாநில தொடக்கப் பள்ளியில் மரியா மற்றும் அவரது இரண்டு இளைய சகோதரர்கள் சிறந்த கல்விப் பதிவுகள் இருந்தபோதிலும், 2019 முதல் தேர்ச்சி தர மறுக்கப்பட்டதாக வெளிப்படுத்தியது. மேலும் அந்த குழந்தைகளை அடுத்த மேல் வகுப்பிற்கு அனுமதிக்கவும் பள்ளி நிராகரித்தது என்பதும் குறிப்பிடத்தக்கதாகும். உலக அளவிலும் இத்தகைய மத பாகுபாடு விஷயங்கள் அதிகரித்து வருகின்ற ஒருநிலையில் மாறவேண்டியது மனிதர்கள்தான் என்பதை மக்கள் புரிந்துகொள்ள வேண்டிய சூழ்நிலை தற்போது வந்துள்ளது நினைவுகூரத்தக்கது.

Input & Image courtesy: Org news