கொரோனா வைரஸ் : பிரேசில் அதிபர் கட்டாயம் முகக்கவசம் அணிய வேண்டும் என உத்தரவிட்ட பிரேசில் உச்ச நீதிமன்றம்.! தவறினால் அபராதம்.! #FaceMask, #CoronavirusBrazil,

பிரேசில் ஜனாதிபதி ஜெய்ர் போல்சனாரோவை நாட்டின் தலைநகரான பிரேசிலியாவில் வெளியில் இருக்கும் போதெல்லாம் முகக்கவசம் அணியுமாறும் உள்ளூர் விதிகளை பின்பற்றுமாறும் பிரேசில் நாட்டு பெடரல் நீதிபதி ஒருவர் உத்தரவிட்டுள்ளார் என்று வால் ஸ்ட்ரீட் ஜர்னல் செய்தி வெளியிட்டுள்ளது.

போல்சனாரோ, முகக்கவசம் அணியாமல் சமீபத்திய காலங்களில் வெளிப்பகுதிகளில் தோற்றமளித்த சில முக்கிய உலகத் தலைவர்களில் ஒருவர்.

புதிய கொரோனா வைரஸின் பரவலைக் கட்டுப்படுத்த உதவுவதற்காக மக்கள் முககவசங்களை பொதுவில் அணிய வேண்டிய பிரேசிலின் கூட்டாட்சி மாவட்ட விதிக்கு மாறாக, போல்சனாரோ முகக்கவசம் அணியாமல் பேக்கரிகள் மற்றும் வெளிப்புற உணவுக் கடைகளுக்கு அடிக்கடி சென்றுள்ளார். பிரேசிலின் காங்கிரஸ் மற்றும் உச்சநீதிமன்றத்திற்கு எதிராக அவரது ஆதரவாளர்கள் நடத்திய போராட்டங்களிலும் முகக்கவசம் அணியாமல் போல்சனாரோ பங்கேற்றுள்ளார்.

பிரேசிலியாவையும் அருகிலுள்ள நகரங்களையும் நிர்வகிக்கும் உள்ளூர் அரசாங்கத்தின் முகக்கவசங்கள் பொதுவில் அணியப்பட வேண்டும் என்ற விதிமுறையை போல்சனாரோ கடைபிடிக்க வேண்டும் என்று பிரேசிலியாவில் உள்ள பெடரல் நீதிமன்றம் தீர்ப்பளித்தது, இணங்கத் தவறினால் 390 அமெரிக்க டாலர்கள் தினசரி அபராதம் விதிக்கப்படுகிறது என்று அறிவித்தது.

நீதிபதி ரெனாடோ கோயல்ஹோ பொரெல்லி தனது தீர்ப்பில், "பிரதிவாதி ஜெய்ர் மெசியாஸ் போல்சனாரோ முகக் கவசத்தை பயன்படுத்தாமல் பிரேசிலியாவையும் அதைச் சுற்றியுள்ள கூட்டாட்சி மாவட்டத்தையும் சுற்றி வரும் எண்ணற்ற படங்களை கண்டுபிடிக்க ஒரு எளிய கூகிள் தேடல் போதுமானது" என்று குறிப்பிட்டார்.

நீதிபதி பொரெல்லி மேலும், "தேசிய பேரிடரை ஏற்படுத்திய ஒரு தொற்றுநோயை மற்றவர்களுக்கு பரப்பாமல் இருக்க வேண்டும்" என்றும் கூறினார்.

பிரேசில், 1.1 மில்லியனுக்கும் அதிகமான கொரோனா வைரஸ் தொற்றுகள் மற்றும் 51,000 க்கும் மேற்பட்ட இறப்புகளுடன் பெரிய இக்கட்டான சூழ்நிலையில் உள்ளது.

பெரும்பாலான உலகத் தலைவர்கள் முகக்கவசங்களை அணிந்திருந்தாலும் ​​அமெரிக்க அதிபர் டொனால்ட் டிரம்ப், மெக்ஸிகோவின் ஆண்ட்ரஸ் மானுவல் லோபஸ் ஒப்ராடோர் மற்றும் அர்ஜென்டினாவின் ஆல்பர்டோ பெர்னாண்டஸ் ஆகிய மூன்று பேர் முகக்கவசம் அணியாமல் வலம் வருகிறார்கள்.

Cover image Courtesy: Reuters