கோவில் சொத்தை அபகரித்தவர் மீது வழக்குப்பதிவு: உயர்நீதிமன்றம் உத்தரவு!

"கோவில் போன்ற பொதுச் சொத்தை பொய்யான ஆவணங்களை உருவாக்கி, தனிநபர்கள் அபகரிக்கும் போது, ​​பொதுச் சொத்தை தனியாருக்குச் சொத்தாக மாற்றும் போது, ​​நீதிமன்றம் வாய்மூடி கொண்டு வெறும் ஒரு பார்வையாளனாக இருக்க முடியாது" என்று சென்னை உயர் நீதிமன்ற மதுரைக் கிளை தற்பொழுது தெரிவித்துள்ளது. மேலும் ஒரு கிராமத்தில் உள்ள கோவில் சொத்துக்களை மிகக் குறைந்த விலைக்கு மாற்றியவர்கள் மீது குற்றப்பத்திரிகை தாக்கல் செய்யுமாறு விசாரணை நீதிமன்றத்திற்கு உத்தரவிட்ட போது, நீதிமன்றம் இதனைக் குறிப்பிட்டுள்ளது.

மேலூர் துணைக் காவல் கண்காணிப்பாளர் தாக்கல் செய்த மனுவை விசாரித்த நீதிமன்றம், இந்த விசாரணையை மேற்கொண்டது. மேலூர் தாலுகாவில் உள்ள கிராம கோவில் நிலத்தை அபகரிக்க சதி செய்ததாக 9 பேர் மீது FIR பதிவு செய்யப்பட்டது. 1.57 லட்சத்துக்கு கிராமச் சொத்தை விற்பனைக்கு மாற்றிவிட்டனர். அந்தச் சொத்தின் சந்தை மதிப்பு ₹ 1.5 கோடிக்கும் அதிகமாக இருந்தது. போலீசார் வழக்கு பதிவு செய்து, இறுதி அறிக்கையும் சமர்பித்தனர். குற்றம் சாட்டப்பட்டவர்கள், தங்களுக்கு எதிராகத் தொடர வேண்டிய குற்றங்களுக்கு எந்தப் பொருளும் இல்லை என்று கூறி, தங்களை விடுவிக்கக் கோரி விசாரணை நீதிமன்றத்தில் மனு தாக்கல் செய்தனர்.

கிராமச் சொத்தின் மேலாளர்கள், எந்தவித சட்டபூர்வ அதிகாரமும் இல்லாமல், மோசடியாக, நேர்மையற்ற முறையில் சொத்தை மாற்றிய வழக்கு இங்கு உள்ளது என்று நீதிபதி ஜி.ஜெயச்சந்திரன் குறிப்பிட்டார். கீழ்க்கண்ட நீதிமன்றம், கிராமச் சொத்துகள் நேர்மையற்ற முறையில் சொத்துகளின் மேலாளர்களாகவும், உரிமையாளர்களாகவும் இருந்த நபர்களால் விற்கப்பட்ட போதிலும், அது சிவில் இயல்புடையத, எந்த கிரிமினல் குற்றமும் செய்யப் படவில்லை என்ற தவறான அடிப்படையில் உண்மைகளை பரிசீலித்து என்று நீதிபதி கூறினார்.

Input & Image courtesy: The Hindu