குரூப்- 1 தேர்வு நடைபெறும் நாளில் கல்லூரி முதுகலை பாட தேர்வு - தேர்வர்கள் கவலை

துணை கலெக்டர், துணை போலீஸ் சூப்பிரண்டு,கூட்டுறவு சங்க துணை பதிவாளர் உட்பட குரூப்-1பதவிகளில் வரும் 92 பணியிடங்களை நிரப்புவதற்கான குரூப்-1 முதல் நிலை தேர்வு வருகிற 19ஆம் தேதி நடைபெற உள்ளது. இந்த தேர்வு எழுதுவதற்கு இளங்கலை பட்டப்படிப்பு படித்து முடித்திருக்க வேண்டும். அந்த வகையில் இந்த தேர்வை தமிழக முழுவதும் 3 லட்சத்து 16 ஆயிரத்து 678 பேர் எழுத இருக்கின்றனர். இந்த நிலையில் குரூப்-1 முதல் நிலை தேர்வு நடைபெறும் அதே நாளில் கல்லூரி முதுகலை மாணவ மாணவிகளுக்கான செமஸ்டர் தேர்வும் நடைபெறுவதாக அறிவிக்கப்பட்டுள்ளது. இதனால் அட்டவணைப்படி முதுகலை பாடங்களுக்கான செமஸ்டர் தேர்வு எழுதுவதா? எதிர்கால உயர்வுக்காக விண்ணப்பித்த குரூப்-1 தேர்வு எழுதுவதா என்ற கவலையில் தேவர்கள் குழம்பிப் போயிருக்கின்றனர்.

இதுகுறித்து சம்பந்தப்பட்ட தேர்வர்கள் கூறுகையில் இந்த குரூப்-1 தேர்வுக்காக மிகவும் கஷ்டப்பட்டு படித்திருக்கிறேன். இப்படி இருக்கும் சூழ்நிலையில் கல்லூரியிலும் அதே நாளில் தேர்வு அறிவித்திருக்கிறார்கள். இப்போது என்ன செய்வது என்று தெரியாமல் இருக்கிறேன். கல்லூரியில் அந்த நாளில் நடைபெறும் தேர்வை மட்டும் மாற்றி அமைத்தால் மிகவும் பயனுள்ளதாக இருக்கும் என்றனர்.