#JusticeForRinkuSharma கொடூரம்..! ராமர் கோவில் நன்கொடை.. முதுகில் குத்தப்பட்டு படுகொலை செய்யப்பட்ட 26 வயது இளைஞர்..!

அயோத்தியில் ராமர் கோவில் கட்டுவதற்கு திரட்டப்படும் நன்கொடை பேரணியின் மேல் துப்பாக்கி சூடு நடத்துவதும், அதில் ஈடுபடுபவர்கள் மீது கொலை வெறி தாக்குதல் நடத்துவதும் பல பகுதிகளில் வழக்கமாகி வருகிறது.

பிப்ரவரி 10 (புதன்கிழமை) அன்று ரிங்கு சர்மா என்ற பஜ்ரங் தள உறுப்பினரை சுமார் 25-30 பேர் கொண்ட ஒரு கும்பல் கொடூரமாக குத்திக் கொலை செய்ததை அடுத்து டெல்லியின் மங்கோல்பூரி பகுதியில் பதற்றம் நிலவியது. 26 வயதான ரிங்கு சர்மா அவரது குடும்ப உறுப்பினர்களின் கண் முன்னால் அவரது வீட்டிலேயே குத்திக் கொலை செய்யப்பட்டார். பஜ்ரங் தள இந்து அமைப்பில் தீவிரமாக ஈடுபட்டிருந்த அவர், அயோத்தியில் ராமர் கோவில் கட்டுவதற்கான பஜ்ரங் தளம் மேற்கொண்ட நன்கொடை இயக்கத்தின் ஒரு பகுதியாக செயல்பட்டார்.

இந்தி நாளேடான ஜாக்ரான் வெளியிட்டுள்ள செய்தியின் படி, புதன்கிழமை இரவு ரிங்குவின் வீட்டிற்குள் நுழைந்து அவரை கொடூரமாக கொன்ற நான்கு பேரையும் போலீசார் கைது செய்துள்ளனர். கைது செய்யப்பட்டவர்கள் முகமது இஸ்லாம், டேனிஷ் நஸ்ருதீன், தில்ஷான் மற்றும் தில்ஷாத் இஸ்லாம் என அடையாளம் காணப்பட்டுள்ளதாக சமூக ஊடக பதிவுகள் தெரிவிக்கின்றன.

ரிங்கு சர்மா டெல்லியின் மங்கோல்பூரி பகுதியில் வசிப்பவர். இந்து அமைப்பிற்கு தன்னார்வ சேவையை வழங்குவதுடன், ரிங்கு சர்மா பாசிம் விஹாரில் உள்ள ஒரு மருத்துவமனையில் ஆய்வக தொழில்நுட்ப வல்லுநராக பணியாற்றினார். தாயார் ராதா தேவி, தந்தை அஜய் சர்மா மற்றும் சகோதரர்கள் அங்கித் மற்றும் மனு சர்மா ஆகியோர் இவர் குடும்ப உறுப்பினர்களாவர்.

இந்த சம்பவம் ரிங்கு ஷர்மாவிற்கும், தாக்குதல் நடத்தியவர்களுக்கும் இடையே ஏற்பட்ட வாக்குவாதத்தின் விளைவாக ஏற்பட்டதாக கூறப்படுகிறது. அயோத்தியில் ராமர் கோவில் அமைப்பதற்காக நடத்த நன்கொடை திரட்டலின் காரணமாகவே இது நடந்தகாக கூறப்படுகிறது. இறந்தவரின் உறவினர்களின் கூற்றுப்படி, அயோத்தியின் ஸ்ரீ ராம் ஜன்மபூமி கோயில் கட்டுவது தொடர்பாக கடந்த மாதம் இப்பகுதியில் விழிப்புணர்வு பேரணி ஏற்பாடு செய்யப்பட்டது. இந்த பேரணியின் போது கட்டுமானத்திற்காக நிதி சேகரித்து வந்த ரிங்கு ஷர்மாவுடன் தாக்குதல் நடத்தியவர்கள் தகராறு செய்தனர். பின்னர், அப்பகுதியைச் சேர்ந்த சிலர் தலையிட்டதையடுத்து இந்த சர்ச்சை தீர்க்கப்பட்டது.

சம்பவம் நடந்த நாளில், ரிங்கு சர்மா கொலையாளிகளுடன் ஒரு பிறந்தநாள் விழாவில் மீண்டும் சண்டையில் ஈடுபட்டதாக கூறப்படுகிறது.

பாதிக்கப்பட்டவரின் தந்தை சுதர்சன் டிவியிடம் கூறுகையில், புதன்கிழமை இரவு சுமார் 25-30 பேர் கதவைத் தட்டினர். அவர்களை உள்ளே அனுமதித்த பின்னர், அவர்கள் அவரது மகன் ரிங்கு ஷர்மாவைத் தாக்கினர், மேலும் அவரது இளைய மகன் அங்கிதும் தாக்கப்பட்டார். தாக்குதல் நடத்தியவர்கள் அவர்களை உதைத்து, ரிங்குவைக் கத்தியால் குத்தி, வீட்டைக் கொள்ளையடித்ததாக அவர் கூறினார்.

राम नाम लेने पर सज़ा-ए-मौत।
दिल्ली के मंगोलपुरी में #RinkuSharma की हत्या उस जिहादी ने की जिसे पिछले महीने #Rinku ने अपना खून दे कर बचाया था। देखे उसके पिता की पिडा को #JusticeForRinkuSharma on @SudarshanNewsTV pic.twitter.com/8smHiQz8iB

— Maya Suresh Chavhanke (@MayaChavhanke) February 11, 2021

தாக்குதல் நடத்தியவர்கள் கத்திகள் மற்றும் லத்திகள் போன்ற ஆயுதம் ஏந்தியதாகவும் அவர் கூறினார். தாக்குதல் நடத்தியவர்கள் தனது மூத்த சகோதரர் ரிங்குவை கூர்மையான கத்திகளால் எவ்வாறு இரக்கமின்றி தாக்கினார்கள் என்பதையும் ரிங்குவின் சகோதரர் விவரித்தார். பின்னர் அவர்கள் தப்பி ஓடிவிட்டனர், ரிங்குக்கு பலத்த காயம் ஏற்பட்டது. ரிங்கு மங்கோல்பூரியில் உள்ள சஞ்சய் காந்தி மருத்துவமனைக்கு கொண்டு செல்லப்பட்டார், அங்கு வியாழக்கிழமை நண்பகல் 12 மணியளவில் அவர் இறந்தார்.

राम नाम लेने पर 'सज़ा-ए-मौत'
दिल्ली के मंगोलपुरी में #RinkuSharma की हत्या उस जिहादी ने की जिसे पिछले महीने #Rinku ने अपना खून दे कर बचाया था। देखिए उसके पिता की पीड़ा को और उसे घर में घुस कर चाक़ू से हत्या करने का वीडियो#JusticeForRinkuSharma

Follow👉🏻 @TheShubhamtv pic.twitter.com/mg7oQ5CacU

— Shubham Tripathi 🇮🇳 (@TheShubhamtv) February 11, 2021

இந்த சம்பவத்தின் வீடியோவும் வெளிவந்துள்ளது. குடும்பத்தினரைத் தாக்கி பின்னர் ரிங்கு ஷர்மாவைக் கொன்றதைக் காட்டுகிறது இந்த காணொளி. வீட்டிற்கு வெளியில் இருந்து வந்த சி.சி.டி.வி காட்சிகளில் பலர் கத்தி மற்றும் லாதிகளுடன் வீட்டிற்குள் நுழைவதைக் காட்டுகிறது.

Cover Image Credit: OpIndia