தொழில்நுட்பத் துறையில் அடுத்த கட்டத்திற்கு முன்னேறும் இந்தியா.. சரியான தருணம் இதுதான்..

2019 ஆம் ஆண்டில் தொழில் மாற்றத்திற்கான தலைமைக் குழு தொடங்கப்பட்டதிலிருந்து தொழில்துறை மாற்றம் சர்வதேச அளவில் உயர்ந்துள்ளதால் உலகளாவிய தொழில்துறை நிலப்பரப்பில் குறிப்பிடத்தக்க மாற்றம் ஏற்பட்டுள்ளது என்று மத்திய சுற்றுச்சூழல் மற்றும் வனத்துறை அமைச்சர் தெரிவித்தார். எவ்வாறாயினும், தொழில்நுட்ப பரிமாற்றம் மற்றும் நிதி ஆகியவற்றின் உண்மையான மாற்ற சவால்கள் இன்னும் தீர்க்கப் படவில்லை என்பதை அவர் சுட்டிக்காட்டியுள்ளார்.

சமீபத்தில் கூட துபாயின் COP 28 உச்சிமாநாட்டிற்கு இடையே நடைபெற்ற நியாயமான மற்றும் சமமான தொழில்துறை மாற்றத்திற்கான கூட்டாண்மைகள் என்ற நிகழ்வில் பேசிய மத்திய அமைச்சர் பூபேந்தர் யாதவ், வளர்ந்த நாடுகளில் இருந்து வளரும் நாடுகளுக்கு தொழில்நுட்ப பரிமாற்றத்தை எளிதாக்க அறிவுசார் சொத்துரிமைகள் போன்ற தடைகள் நிவர்த்தி செய்யப்படுவதை உறுதி செய்ய வேண்டிய கூட்டு சர்வதேச முறைகள் மூலம் இந்த சவாலை தீர்க்க முடியும் என்று இதில் கூறினார்.

கட்டமைக்கப்பட்ட அடிப்படை செயல்திட்டம் மற்றும் உலகளாவிய மன்றம், தொழில்நுட்ப பரிமாற்றம் மற்றும் இணை வளர்ச்சி மற்றும் ஒரு தொழில் மாற்றம் மேடை ஆகிய மூன்று தூண்கள் அடிப்படையில் குறைந்த கார்பன் மாற்றங்களை ஆதரிப்பதில் கவனம் செலுத்தும். இந்தத் தூண்கள் மூலம், உறுப்பினர்கள் தொடர்ந்து தொழில்துறை மாற்றங்களை ஆதரித்து, ஈடுபடுவார்கள் மற்றும் ஊக்குவிப்பார்கள் என்று குறிப்பிட்டார். ஸ்வீடனுடனான ஒத்துழைப்பைப் பற்றி பேசிய அமைச்சர், தொழில் மாற்ற மேடை குறித்த இந்தியா-ஸ்வீடன் கூட்டு பிரகடனம் இரு நாடுகளுக்கும் இடையிலான கூட்டாண்மை மட்டுமல்ல, நிலையான எதிர்காலத்திற்கான கூட்டணியாகும் என்றார்.

Input & Image courtesy:News