பிரதமர் மோடியின் பதவியேற்பு விழாவில் பங்கேற்ற மாலத்தீவு அதிபர்!

பாரதீய ஜனதா கட்சியின் தலைவர் மோடி இன்று இரவு 7:15 மணிக்கு வரலாற்று சிறப்புமிக்க மூன்றாவது முறையாக இந்திய பிரதமராக பதவியேற்றார். மாலத்தீவு அதிபர் முகமது முய்ஸுவை, இந்திய வெளியுறவு அமைச்சகத்தின் செயலாளர் பவன் கபூர் விமான நிலையத்தில் வரவேற்றார். பாராளுமன்ற தேர்தலில் பாரதிய ஜனதா கட்சி தலைமையிலான தேசிய ஜனநாயகக் கூட்டணி வெற்றி பெற்று தொடர்ந்து மூன்றாவது முறையாக இந்தியாவின் பிரதமராக பிரதமர் மோடி பதவியேற்க உள்ளார்.

இன்று மாலை மிகவும் நிகழ்ந்த விழாவில் அண்டை நாடுகள் மற்றும் இந்தியப் பெருங்கடல் பிராந்தியத்தின் தலைவர்கள் சிறப்பு விருந்தினர்களாகக் கூடினார். பிரதமர் நரேந்திர மோடியின் பதவியேற்பு விழாவிற்கான அழைப்பை ஏற்றுக்கொண்ட மாலத்தீவு ஜனாதிபதி, "இந்தியாவுடனான நெருங்கிய உறவை மேலும் வலுப்படுத்த பிரதமருடன் இணைந்து பணியாற்ற ஆவலுடன் காத்திருப்பதாகவும், மாலத்தீவு-இந்தியா உறவுகள் முன்னேறி வருவதாகக் குறிப்பிட்டார். முந்தைய அறிக்கையில், ஜனாதிபதி முய்ஸு, பிரதமர் மோடிக்கு வாழ்த்து தெரிவித்ததோடு, இருதரப்பு உறவுகளை மேம்படுத்த ஒத்துழைக்க விருப்பம் தெரிவித்தார்.

அவர் X தளத்தில், "பிரதமர் நரேந்திர மோடி மற்றும் BJP தலைமையிலான NDA, 2024 இந்தியப் பொதுத் தேர்தலில், தொடர்ந்து மூன்றாவது முறையாக வெற்றி பெற்றதற்கு வாழ்த்துகள்" என்று குறிப்பிட்டு இருந்தார். இதற்கு பதிலளித்த பிரதமர் மோடி, மாலத்தீவு அதிபருக்கு நன்றி தெரிவித்ததோடு, இரு நாடுகளுக்கும் இடையிலான இருதரப்பு உறவுகளை மேலும் வலுப்படுத்துவதற்கு நெருக்கமான ஒத்துழைப்பை எதிர்நோக்குவதாகக் கூறினார்.

இதற்கிடையில், பிரதமர் மோடியின் பதவியேற்பு விழாவில் கலந்து கொண்ட மற்ற வெளிநாட்டு தலைவர்களில் இலங்கை அதிபர் ரணில் விக்கிரமசிங்கேவும் அடங்குவர். சீஷெல்ஸின் துணைத் தலைவர், அகமது அஃபிஃப், பங்களாதேஷ் பிரதமர் ஷேக் ஹசீனா; மொரிஷியஸ் பிரதமர் பிரவிந்த் குமார் ஜக்நாத், நேபாள பிரதமர் புஷ்ப கமல் தஹால் 'பிரசந்தா' மற்றும் பூட்டான் பிரதமர் டஷெரிங் டோப்கே ஆகியோரும் கலந்து கொண்டனர்.

SOURCE :Indiandefencenews. Com