வெங்காயத்தின் ஏற்றுமதி வரியை ரத்து செய்த மத்திய அரசு:குஷியில் விவசாயிகள்!

நடப்பாண்டின் ராபி பருவத்தில் நாட்டில் வெங்காய உற்பத்தி 2 கோடியே 27 லட்சம் டன் சந்தைக்கு வரும் என்று எதிர்பார்க்கப்படுகிறது இந்த எதிர்பார்ப்பு முந்தைய ஆண்டை விட 18 சதவீதம் அதிகமாகும் இதன் மூலம் நாசிக் வெங்காய சந்தையில் வெங்காயத்தின் விலை 30 முதல் 40 சதவீதம் சரிவை கண்டுள்ளது

விலையின் சரிவால் விவசாயிகள் பாதிக்கப்படுவதை தவிர்ப்பதற்காக மத்திய அரசு தற்போது நடவடிக்கை எடுத்துள்ளது அதாவது வெங்காயத்தின் மீதான ஏற்றுமதி வரியை ரத்து செய்துள்ளது மத்திய அரசு

தற்போது வெங்காயத்தின் மீதான ஏற்றுமதிவரி 20 சதவிகிதமாக உள்ளது இதனை மத்திய அரசு திரும்ப பெற்றுள்ளது இந்த அறிவிப்பு வருகின்ற ஏப்ரல் ஒன்றாம் தேதி முதல் நடைமுறைக்கு வரும் என தெரிவிக்கப்பட்டுள்ளது

மத்திய அரசின் இந்த நடவடிக்கை மூலம் வெங்காயத்தின் விலை வீழ்ச்சியால் கவலைகள் இருந்த விவசாயிகளுக்கு மகிழ்ச்சியை ஏற்படுத்தியுள்ளது