Kathir News
Begin typing your search above and press return to search.

திருமணமான IAS, IPS அதிகாரிகள் ஒரே மாநிலத்தில் பணிபுரிய விதிகளில் தளர்வு - மத்திய அரசு அனுமதி.!

திருமணமான IAS, IPS அதிகாரிகள் ஒரே மாநிலத்தில் பணிபுரிய விதிகளில் தளர்வு - மத்திய அரசு அனுமதி.!

Saffron MomBy : Saffron Mom

  |  3 March 2021 1:45 AM GMT

திருமணமான IAS மற்றும் IPS அதிகாரிகள் ஒரே பணிநிலை (cadre) மாநிலத்தைப் பெறுவதை அனுமதிக்க மத்திய அரசு சேவை விதிகளை மாற்றியுள்ளது.

இந்திய நிர்வாக சேவை (IAS), இந்திய காவல்துறை சேவை (IPS) மற்றும் இந்திய வன சேவை (IFOS) யில் தற்போதுள்ள வழிகாட்டுதல்களில் கணவன் அல்லது மனைவி தங்கள் துணையின் சொந்த மாநிலத்தை பணிநிலையாக தேர்வு செய்யலாமா என்பது குறித்து எந்த ஏற்பாடும் இல்லை.

ஐ.ஏ.எஸ் அதிகாரி பி பார்த்திபன், அவரது பேட்ச்மேட் மற்றும் டெல்லியைச் சேர்ந்த தமிழக கேடர் ஐ.பி.எஸ் அதிகாரி நிஷாவை மணந்தார். பார்த்திபன் தமிழ்நாட்டை பூர்வீகமாகக் கொண்டவர், மேலும் டெல்லியை உள்ளடக்கிய யூனியன் பிரதேசத்தில் அவருக்கு பணிநிலை ஒதுக்கப்பட்டுள்ளது.

சிவில் சர்வீஸ் விதிகள் அனுமதிப்பதால், தம்பதியினர் தங்கள் திருமணத்தை மேற்கோள் காட்டி பொதுவான பணியிடங்களை நாடினர். ஆனால் விதிகளின் படி ஒருவர் தன் சொந்த மாநிலத்தில் பணி செய்ய முடியாது. (நிஷா டெல்லியில் பணி புரிய முடியாது)

பணியாளர்கள் மற்றும் பயிற்சித் துறை செயலாளர் தலைமையிலான விசாரணையில் இடமாற்றம் மற்றும் பிரதிநிதித்துவம் தொடர்பான வழக்குகளைத் தீர்மானிக்கும் ஒரு குழு முன் இந்த விஷயம் முன்வைக்கப்பட்டது. தற்போதுள்ள வழிகாட்டுதல்களின் விதிகளில் தளர்வு தேவை என்று அக்குழு மாற்றத்தை பரிந்துரைத்தது, இப்போது மோடி தலைமையிலான அமைச்சரவையின் நியமனக் குழு இதற்கு ஒப்புதல் அளித்துள்ளது.

எந்தவொரு அதிகாரியும் தங்கள் துணையின் பணிநிலை மாநிலத்தில் பணிபுரிய முடியாத நிலை ஏற்பட்டால் (அது அவர்களின் சொந்த மாநிலமாக இருக்கும் காரணத்தினால்) அதிகாரிகள் யூனியன் பப்ளிக் சர்வீஸ் கமிஷனுக்கு ஏற்கனவே அளித்த விரிவான விண்ணப்ப படிவத்தில் மற்றொரு பணிநிலை மாநிலத்தை தேர்வு செய்யலாம்.


ஆனால் அது இருவரின் சொந்த மாநிலமாகவும் இருக்கக்கூடாது. இன்றைய விதி திருத்தத்திற்குப் பிறகு, பார்த்திபன் மற்றும் நிஷா ஆகியோர் முன்பு அவர்கள் தேர்ந்தெடுத்தது போல், குஜராத் பணிநிலை மாநிலத்தை பெற வாய்ப்புள்ளது என மூத்த DoPD அதிகாரி ஒருவர் தெரிவித்தார்.

With Inputs From: PTI

Next Story