இந்த நேரத்தில் இந்திய பொருளாதாரத்தை தூக்கி நிறுத்தும் கிராமப்பகுதிகள் - ஜூலை மாதம் கண்ட அபிரிவிதமான வளர்ச்சி!

டிஜிட்டல் பரிவர்த்தனைகள், சரக்கு மற்றும் சேவை வரி வசூல், டிராக்டர் விற்பனை, இரு சக்கர வாகனம் விற்பனை, மற்றும் காரீப் பருவ பயிரிடல் மூலம் கிராமப்புற இந்தியா பகுதிகள், ஜூலை மாதம் இந்திய பொருளாதாரத்தை மீட்க வழிவகுத்தது.

ஜூன் மாதத்தில் டிஜிட்டல் பண பரிவர்த்தனையான யுபிஐ மூலம் 134 கோடி பரிவர்த்தனைகள் பதிவு செய்யப்பட்டது.

முதன்மை டிஜிட்டல் பரிவர்த்தனை தளமான யுபிஐ மூலம் ஜூலை மாதத்தில் டிஜிட்டல் பரிவர்த்தனைகள் 149 கோடியாக அதிகரித்துள்ளதாக தெரிவிக்கப்பட்டுள்ளது.

பரிவர்த்தனைகளின் மதிப்பு ஜூன் மாதத்துடன் ஒப்பிடும்போது 11 சதவீதம் அதிகரித்து ரூ .2.62 லட்சம் கோடியிலிருந்து ரூ .2.90 லட்சம் கோடியாக அதிகரித்துள்ளது. கடந்த ஆண்டு ஜூலைடன் ஒப்பிடும்போது, பரிவர்த்தனைகள் கிட்டத்தட்ட 1.46 லட்சம் கோடியிலிருந்து இரட்டிப்பாகியுள்ளன.

பிற டிஜிட்டல் பரிவர்த்தனைகளும் உயர்ந்துள்ளன

இதேபோல், ஐ.எம்.பி.எஸ் என்ற ஆன்லைன் மூலமான பண பரிவர்த்தனைகள் ஜூலை மாதத்தில் ரூ .2.25 லட்சம் கோடியை எட்டியுள்ளன, இது ஜூன் மாதத்துடன் ஒப்பிடும்போது ஒன்பது சதவீதம் அதிகரித்துள்ளது. கடந்த ஆண்டு ஜூலைடன் ஒப்பிடும்போது 24 சதவீதம் அதிகரித்துள்ளது.

பாரத் பில் பேமண்ட் எனப்படும் முறையின் மூலமான பரிவர்த்தனை ஜூலை மாதத்தில் மூன்று மடங்காக அதிகரித்துள்ளன. நெடுஞ்சாலைகளில் சுங்கவரி வசூலிக்க உதவும் ஃபாஸ்டாக் போன்ற பிற டிஜிட்டல் அமைப்புகளின் வசூல் ஜூன் மாதத்துடன் ஒப்பிடும்போது ஜூலை மாதத்தில் அதிகரித்தன.

அரசாங்கமும் அனைத்து சலுகைகளையும் நேரடியாக வங்கிக் கணக்குகளுக்கு மாற்றுவது மூலம் டிஜிட்டல் பரிவர்த்தனைகளை மேலும் ஊக்குவிக்கிறது.

ஜிஎஸ்டி வசூல் சாதனை:

ஜூலை மாதத்தில் வசூலான சரக்கு மற்றும் சேவை வரி (ஜிஎஸ்டி) வருவாய் ஒரு வருடத்திற்கு முன்பு இதே காலகட்டத்தில் ஈட்டப்பட்ட வருமானத்தில் 86 சதவீதமாக பதிவு செய்யப்பட்டுள்ளது. கடந்த ஆண்டு ஜூலை மாதம் ரூ .1,02,082 கோடி வசூலான நிலையில், இந்த முறை 87,422 கோடி ரூபாய் வசூலிக்கப்பட்டதாக அரசு தெரிவித்துள்ளது.

டிராக்டர் விற்பனை அளவு:

நாட்டின் பொருளாதார வளர்ச்சிக்கு அடித்தளமிட்ட டிராக்டர்களின் விற்பனை, ஜூலை மாதத்திலும் தொடர்ந்து மிதமாக இருந்தது.

மஹிந்திரா அண்ட் மஹிந்திரா ஜூலை மாதத்தில் டிராக்டர்களின் விற்பனையில் 25 சதவீதம் உயர்ந்து 25,402 ஆக உயர்ந்துள்ளது. கடந்த ஆண்டு ஜூலை மாதத்தில் இது 19,174 ஆக இருந்தது.

மஹிந்திரா & மஹிந்திரா பண்ணை உபகரணத் துறையின் தலைவர் ஹேமந்த் சிக்கா கூறுகையில், ஜூலை மாதத்தில் நிறுவனம் டிராக்டர்களை அதிகளவில் விற்பனை செய்துள்ளது என்று கூறியுள்ளார்.

சோனலிகா டிராக்டர்ஸ், ஜூலை மாதத்தில் அதன் விற்பனை 71.7 சதவீதம் அதிகரித்து 10,223 டிராக்டர்களாக அதிகரித்துள்ளது. ஜூன் மாதத்தில் விற்பனை 13,691 ஆக இருந்தது.

மற்றொரு பெரிய தயாரிப்பாளரான எஸ்கார்ட்ஸ், அதன் டிராக்டர் விற்பனை ஜூலை மாதத்தில் 9.5 சதவீதம் அதிகரித்து 5,322 யூனிட்டுகளாக அதிகரித்துள்ளது.

கொரோனா வைரஸ் தொற்றுநோயால் ஏற்பட்ட மந்தநிலை இருந்தபோதிலும், டிராக்டர் விற்பனை கடந்த நிதியாண்டை விட கிட்டத்தட்ட இரண்டு சதவீதம் அதிகமாக இருக்கும் என்று தெரிவிக்கப்பட்டுள்ளது.

டிராக்டர் விற்பனை இன்னும் அதிகமாக இருந்தாலும், உற்பத்தி நிறுவனங்கள் அவற்றின் திறனுக்கு ஏற்ப உற்பத்தி செய்ய முடியவில்லை. இந்த மாதத்திலிருந்து ஊரடங்கு வழிகாட்டுதல்கள் மேலும் தளர்த்தப்படுவதால், இந்த நிறுவனங்கள் தங்கள் உற்பத்தியை அதிகரிக்கும் என்று எதிர்பார்க்கப்படுகிறது.

ஆட்டோமொபைல் விற்பனை

ஜூலை மாதத்தில் ஆட்டோமொபைல் விற்பனையில் மாருதி சுசுகி, கடந்த ஆண்டு ஜூலையுடன் ஒப்பிடும்போது 1 சதவீதம் உயர்ந்துள்ளது.

இரு சக்கர வாகனங்களின் சந்தையில் ஹீரோ மோட்டார் கார்ப், ஒரு வருடத்திற்கு முன்பு இதே நேரத்தில் விற்பனையான வாகனங்களின் அளவை கிட்டத்தட்ட தொட்டது.

ஹோண்டா, டொயோட்டா மற்றும் மஹிந்திராஸ் போன்ற பிற உற்பத்தியாளர்கள் 10 சதவீதத்திற்கும் அதிகமான சரிவைப் பதிவு செய்துள்ளனர். இருப்பினும், ஜூன் மாதத்துடன் ஒப்பிடும்போது, ஜூலை மாதத்தில் நான்கு சக்கர வாகனங்கள் மற்றும் இரு சக்கர வாகனங்களின் விற்பனை மிகவும் சிறப்பாக இருந்தது.

எடுத்துக்காட்டாக, ஜூன் மாதத்துடன் ஒப்பிடும்போது மாருதியின் விற்பனை கிட்டத்தட்ட இரு மடங்காக அதிகரித்துள்ளது, அதே நேரத்தில் ஹூண்டாயின் விற்பனை முந்தைய மாதத்தை விட 70 சதவீதம் அதிகமாக இருந்தது.

ஜூன் மாதத்துடன் ஒப்பிடும்போது ஹோண்டா மோட்டார்சைக்கிள் விற்பனை மூன்றில் ஒரு பங்கு அதிகரித்துள்ளது, அதே நேரத்தில் புதிய நிறுவனமான எம்ஜி மோட்டார்கள் ஜூலை விற்பனையில் 40 சதவீதம் உயர்ந்துள்ளன.

காரீப் பயிர்கள் விதைப்பு:

#Kharif crop sowing crosses 885 lakh hectare area: https://t.co/TQ5zypewHs pic.twitter.com/gDnERDY1uv

— PIB India (@PIB_India) August 5, 2016

கிராமப்புற பொருளாதார நடவடிக்கையின் வெற்றியாக ஜூலை 31 வரை விதைத்த காரீப் பருவ பயிர்களின் அளவு 13 சதவீதம் உயர்வு கண்டுள்ளது.

இந்த பயிர்களில், நெல், எண்ணெய் வித்துக்கள், பருத்தி மற்றும் பருப்பு வகைகள் நல்ல மகசூலை கொடுத்துள்ளன. இந்த மாதத்திலும், செப்டம்பர் மாதத்திலும் பருவமழை தொடர்ந்து சிறப்பாக இருக்கும் என்று இந்திய வானிலை ஆய்வு மையம் கணித்துள்ளது.

நாட்டின் 123 முக்கிய நீர்த்தேக்கங்களில் நீர் மட்டம் கடந்த 10 ஆண்டு சாதாரண சேமிப்பிடத்தை விட மூன்று சதவீதம், அதாவது 69.982 பில்லியன் கன மீட்டர் அதிகமாக உள்ளது. கடந்த ஆண்டுடன் ஒப்பிடும்போது சேமிப்பு 41 சதவீதம் அதிகம்.

இந்த நேரத்தில் மத்திய அரசும் விவசாயிகளிடமிருந்து கோதுமை மற்றும் அரிசி போன்ற உணவு தானியங்களை கொள்முதல் செய்வது, விவசாயிகள் தங்கள் பயிருக்கு நிலையான குறைந்தபட்ச ஆதரவு விலையை பெறுவதை உறுதி செய்துள்ளது.

கிராமப்புற மக்களின் கைகளில் அதிக பண புழக்கத்தை ஏற்படுத்த நரேந்திர மோடி அரசாங்கமும் உதவியுள்ளது. மேலும் மகாத்மா காந்தி தேசிய ஊரக வேலைவாய்ப்பு திட்டம் மூலம் கிராமப்புற வேலைவாய்ப்பு அதிகரிப்பது பொருளாதாரம் மீள உதவுகிறது.