காங்கிரஸ் கட்சியின் மோசமான நிலைமையை பேசிய காங்கிரஸ் மூத்த தலைவர் - வைரலாகும் வீடியோ!!

அக்டோபர் 21 ஆம் தேதி ஹரியானாவில் சட்டமன்றத் தேர்தல் நடைபெறவுள்ள நிலையில், அதன் வெற்றி குறித்து காங்கிரஸ் கட்சி மிகவும் நம்பிக்கையுடன் இல்லை என்று தெரிகிறது. சமூக ஊடகங்களில் வைரலாகி வரும் ஒரு வீடியோவில், காங்கிரஸ் மூத்த தலைவர் மற்றும் சோனியா காந்தியிடம் மிக நெருக்கமாக இருக்கும் அகமது படேல், அந்த மாநிலத்தில்14 இடங்களை மட்டுமே காங்கிரஸ் வெல்லும் என்று கட்சி எதிர்பார்க்கிறது என்று கூருக்காது, காங்கிரஸ் கட்சியின் மோசமான நிலைமையை காட்டுகிறது.

வீடியோவில், காங்கிரஸ் தலைவர்கள் அகமது படேல், குலாம் நபி ஆசாத் மற்றும் முன்னாள் ஹரியானா முதல்வரான பூபிந்தர் சிங் ஹூடா ஆகியோர் நாடாளுமன்ற சபைக்கு முன்னால் நடைபெறவிருக்கும் ஹரியானா மாநில சட்டமன்றத் தேர்தலில் கட்சியின் வாய்ப்புகள் குறித்து விவாதிக்கிறார்கள். கட்சியின் உள் மதிப்பீடுகளைப் பற்றி கேட்டால், ஹூடா சில எண்களைக் கணக்கிட்டு 14 என்று கூறுகிறார். இந்த எண், கட்சியின் மதிப்பீட்டின்படி காங்கிரஸ் வெற்றி பெறும் தொகுதிகளின் எண் என்று எதிர்பார்க்கப்படுகிறது.

இதைக் கேட்டு அகமது படேல் கோபம் அடைந்தார். காங்கிரஸ் கட்சி மிகவும் பின்னே சென்றுவிட்டது என்று கூறினார். அருகில் இருந்து புகைப்படம் எடுப்பவர்களிடம், அவர்கள் புகைப்படம் எடுப்பதை நிறுத்திக்கொள்ளுமாறு கூறினார். ஆனால் அப்பொழுது அவர்கள் பேசுவதை ஒருவர் காணொளி எடுப்பதை கவனிக்கவில்லை.

ஹரியானா சட்டமன்றத்தில் 90 இடங்கள் உள்ளன. 2014 தேர்தலில் காங்கிரஸ் 25 இடங்களை வென்றது, அதே நேரத்தில் பாஜக 47 இடங்களை வென்ற பின்னர் அரசாங்கத்தை அமைத்தது. காங்கிரஸ் கட்சியின் உள் கணக்கெடுப்பு கடந்த முறை காங்கிரஸ் கட்சி வென்றதை விட வரவிருக்கும் தேர்தலில் குறைவாக காட்டுவது, அக்கட்சியின் மிக மோசமான நிலைமையை குறிக்கிறது.