உலக பெண்கள் குத்துச்சண்டை சாம்பியன்ஷிப் காலிறுதி சுற்றுக்கு முன்னேறிய இந்தியா வீராங்கனை!!

உலக பெண்கள் குத்துச்சண்டை போட்டியில் இந்தியா வீராங்கனை ஜமுனா போரா அல்ஜீரியா வீராங்கனையை வீழ்த்தி காலிறுதிக்கு முன்னேறினார்.

11-வது உலக பெண்கள் குத்துச்சண்டை சாம்பியன்ஷிப் போட்டி ரஷியாவின் உலன் உடே நகரில் நடந்து வருகிறது. இதில் 54 கிலோ எடைப்பிரிவில் காலிறுதியின் முன் சுற்றில் இந்தியாவின் ஜமுனா போரா, அல்ஜீரியா வீராங்கனை ஒயிடாட் போவுடன் மோதினார். அதில் ஜமுனா போரா 5-0 என்ற கணக்கில் அல்ஜீரியா வீராங்கனையை வீழ்த்தினார்.இந்த வெற்றி மூலம் ஜமுனா போரா காலிறுதிக்கு முன்னேறியுள்ளார்.

மேலும், பெண்கள் உலக குத்துச்சண்டை காலிறுதிச் சுற்றிக்கு இந்தியாவில் இருந்து மேரி கோம், ஜமுனா போரா மற்றும் மஞ்சு ராணி ஆகியோர் முன்னேறியுள்ளனர்.