இந்தியாவை நோக்கி படையெடுக்கும் ஆப்கானிய மக்கள்: E-Visa மூலம் 60,000 பேருக்கும் அனுமதி !
ஆப்கானிய மக்கள் 60 ஆயிரம் பேருக்கு இந்தியா அடைக்கலம் கொடுக்க இருக்கிறது.
By : Bharathi Latha
ஆப்கானிஸ்தானில் தலிபான்கள் ஆட்சி கைப்பற்றியுள்ள நிலையில் அங்கு நிலைமை தற்பொழுது மோசமாகவே இருந்து வருகிறது. குறிப்பாக பெண்களுக்கு தேவையான அடிப்படை உரிமைகள் கூட மறுக்கப்பட்டு வருகின்றது. இதன் காரணமாக பல்வேறு மக்கள் ஏற்கனவே ஆப்கானிஸ்தானை விட்டு வெளியேறத் தொடங்கினார்கள். இருப்பினும் இந்தியா போன்ற நாடுகளில் அவர்கள் தற்பொழுது வருவதற்கு இ-விசா மிகவும் தேவைப்படுகிறது. இதுதொடர்பாக இந்திய உள்துறை அமைச்சகத்தின்(MHA) மூத்த அதிகாரி ஒருவர் கூறுகையில், "தலிபான்கள் காபூலைக் கைப்பற்றிய பிறகு இந்தியாவுக்குள் நுழைவதற்கான அவசர விண்ணப்பங்களை எளிதாக்க மற்றும் விரைவுபடுத்த "e-Emergency X-Misc Visa" அறிமுகப்படுத்தப்பட்டது .
இதில் தற்பொழுது தொடங்கப்பட்ட இந்த இ-விசாக்கள் மூலம் 60,000 ஆப்கானியர்கள் இந்தியாவுக்கு வர காத்திருக்கிறார்கள். பல ஆப்கானிஸ்தான் நாட்டவர்கள் இந்தியாவில் தஞ்சம் கோருகின்றனர். ஏனெனில் இது எதிர்காலத்தில் மற்ற நாடுகளுக்கு செல்ல உதவுகிறது. முன்னதாக, சுமார் 180 ஆப்கானிஸ்தான் நாட்டில் இருந்து வந்தவர்களுக்கு ஆறு மாத இ-விசாவை இந்தியா வழங்குவதாக அறிவிக்கப்பட்டது. புதிய 'இ-எமர்ஜென்சி எக்ஸ்-மிஸ்க் விசா'வின் கீழ் சுமார் 60,000 விசா விண்ணப்பங்கள் தற்பொழுது பரிசீலனையில் உள்ளன. இது தொடர்பான உத்தரவு ஆகஸ்ட் 17 அன்று வெளியிடப்பட்டது. மேலும் அனைத்து முத்திரை விசாக்களும் உடனடியாக நடைமுறைக்கு வரும் வகையில் ரத்து செய்யப்பட்டது. 'இ-விசா' அறிமுகப்படுத்தப்பட்ட முதல் இரண்டு நாட்களில் இந்தியா சுமார் 20,000 விசா கோரிக்கைகளைப் பெற்றது.
இந்தியத் தூதரகத்தால் ஆகஸ்ட் 15-ஆம் தேதிக்கு முன் வழங்கப்பட்ட இந்த முத்திரை விசாக்கள் 11,000-க்கும் மேற்பட்ட விசாக்கள் திருடப்பட்டதாகக் கூறப்பட்டதைத் தொடர்ந்து ரத்து செய்யப்பட்டது. பாதுகாப்பு காரணங்களுக்காக இ-விசாக்களை அறிமுகப்படுத்த மத்திய அரசுக்கு கோரிக்கை விடுத்தது. சாதாரண சூழ்நிலைகளில், இ-விசாக்களின் போது பாதுகாப்பு அனுமதிக்கு 30 நாட்களுக்கு ஒரு முறை வழங்கப்பட்டுள்ளது. தலிபான்கள் அரசாங்கத்தைக் கைப்பற்றிய பின்னர் ஈரான், தஜிகிஸ்தான், துர்க்மெனிஸ்தான், உஸ்பெகிஸ்தான் மற்றும் பிற அருகிலுள்ள நாடுகளுக்குச் சென்ற ஆப்கானிஸ்தான் நாட்டவர்களிடமிருந்து பெரும்பாலான விண்ணப்பங்கள் பெறப்பட்டுள்ளன" என்று அந்த அதிகாரி கூறினார்.
Input & Image courtesy:Economic Times
