வளர்ச்சி மற்றும் சுகாதார இலக்கு 2030: இந்தியாவில் இளைஞர்கள் எதிர்காலம்!

உலகளவில் இளைஞர்கள் (15-29 வயது) மக்கள் தொகை 1.8 பில்லியனாக உள்ளது. அதில், ஐந்தில் ஒரு நபர் (20 சதவீதம்) இந்தியாவில் வசிக்கின்றனர். 2011 ஆம் ஆண்டு மக்கள்தொகை கணக்கெடுப்பின்படி, இந்தியாவின் மொத்த மக்கள்தொகையில் 40.1 சதவீதம் இளைஞர்கள் உள்ளனர். உலக அளவில் அதிகமான இளைஞர்கள் வசிக்கும் நாடு இந்தியா. மேலும் வரவிருக்கும் காலத்தின் சமூக-அரசியல், பொருளாதார மற்றும் புள்ளிவிவர வளர்ச்சிகளையும் பிரதிபலிக்கிறது.

இளைஞர்கள் ஒரு தேசத்தின் அதிக உற்பத்தி திறன் கொண்ட பணியாளர்கள் என்பதால், 2025 ஆம் ஆண்டில் இந்தியா 4 வது பெரிய பொருளாதாரமாக மாறும் என்று எதிர்பார்க்கப்படுகிறது. இது உலக மொத்த உள்நாட்டு உற்பத்தியில் 6 சதவீத பங்களிப்பை அளிக்கிறது. இளைஞர்களை மேம்படுத்துவதோடு, கல்வி, வேலைவாய்ப்பு, சுகாதாரம், திறன் மேம்பாடு, சமூக ஈடுபாடு, மற்றும் அரசியல் மற்றும் நிர்வாகத்தில் இளைஞர்களின் பங்களிப்பு ஆகியவற்றின் மூலம் சமூகத்தில் அவர்களுக்கு சரியான இடத்தைக் கண்டுபிடிக்க அவர்களுக்கு உதவ வேண்டும். பெரியவர்களுக்கு சமமான வாய்ப்புகளை வழங்க வேண்டும். திறமை மற்றும் வறுமை காரணமாக இளைஞர்களிடையே அதிக வேலையின்மை விகிதம் இந்தியாவுக்கு நீண்ட கால சவாலாகும்.

"நிலையான முன்னேற்ற இலக்குகள் 2030 " (STGக்கள்) இளைஞர்களுக்கு, குறிப்பாக பெண்களுக்கு இலவச மற்றும் சமமான வாய்ப்புகளை உள்ளடக்கிய தரமான கல்வி வேண்டும் எனக் கோருகிறது. மேலும், பலர் குறைந்த ஊதியம் பெறும் முறைசாரா துறை வேலைகளில் ஈடுபடுவதால், நல்ல தரமான வேலைவாய்ப்பு மற்றும் பணியிடங்களை உருவாக்குவது அவசியமாகும்.

குறைந்த ஊதியங்கள், புதிய வேலைகளுக்கான போட்டி மற்றும் வேலைகளின் ஒப்பந்த தன்மை மற்றும் மன ஆரோக்கியத்தில் அதன் தாக்கம் ஆகியவற்றைக் கருத்தில் கொண்டு, ஓரங்கட்டப்பட்ட மற்றும் பாதிக்கப்படக்கூடிய இளைஞர்கள், மாற்றுத்திறனாளி இளைஞர்கள், கிராமப்புற இளம் பெண்கள் மீது ஒரு முக்கிய கவனம் செலுத்தி ஏராளமான வாய்ப்புகள் உருவாக்கப்பட வேண்டும். இந்த பணியாளர்களை மேம்படுத்துவதற்கான திறன் மேம்பாட்டுடன் தொழில்நுட்ப மற்றும் தொழில்சார் பயிற்சியும் இளைஞர் கல்வியின் அம்சமாகும்.

எந்தவொரு இளைஞரையும் விட்டுவிடாமல் திட்டங்களை தீட்ட வேண்டும். இது தொடர்ந்து அதிகரித்து வரும் வேலையின்மை பிரச்சினையை பூர்த்தி செய்கிறது. கல்விக்கான ஐக்கிய நாடுகளின் அமைப்பு இலவச கல்வி, வளங்கள் மற்றும் உள்கட்டமைப்பு கிடைப்பதில் கவனம் செலுத்துகிறது. தொடர்புடைய, கலாச்சார ரீதியாக பொருத்தமான மற்றும் நல்ல தரமான பள்ளிகளை ஏற்றுக்கொள்ளுதல்; சமுதாயத்தின் மாறிவரும் தேவைகள் மற்றும் பாலின பாகுபாடு மற்றும் வறுமை போன்ற பிரச்சினைகள் போன்ற சவால்களை வளர்ந்து வரும் கல்வி முறையுடன் மாற்றியமைத்தல்; குழந்தைத் திருமணம், குழந்தைத் தொழிலாளர் மற்றும் சுரண்டல் மற்றும் குழந்தை ஊட்டச்சத்து குறைபாடு ஆகியவற்றை நாம் ஒருங்கிணைந்த முயற்சிகளால் சரி செய்யலாம்.

பல ஆண்டுகளாக முயற்சிகள் இருந்தபோதிலும், இளம் பெண்கள் தொடர்ந்து சவாலான கல்வி, வேலைவாய்ப்பு மற்றும் சுகாதாரத் தடைகளை எதிர்கொள்கின்றனர், ஏனெனில் நமது ஆணாதிக்க சமூகம் அவர்களின் வாழ்க்கையின் ஆரம்ப ஆண்டுகளில் அவர்களின் உடல்நலம் மற்றும் கல்வியை மறுத்தது, கழிப்பறைகள், மாதவிடாய் சுகாதாரம், ஆகியவை எளிதில் கிடைக்காதது. ஆரம்பகால திருமணம் மற்றும் கர்ப்பம் வாழ்க்கைத் தரத்தையும் ஆரோக்கியத்தையும் மோசமாக்குகிறது. பாலின அடிப்படையிலான வன்முறைகளுடன் போராடும் பாதிக்கப்படக்கூடிய மற்றும் ஓரங்கட்டப்பட்ட இளம் பெண்கள் ஒட்டுமொத்த ஆரோக்கியத்தையும் இழக்கின்றனர். உலகெங்கிலும் மூன்றில் ஒரு பங்கு பெண்கள் ஒரு நெருக்கமான உறவிடமிருந்து உடல் மற்றும் / அல்லது பாலியல் வன்முறையை அனுபவித்ததாக ஐக்கிய நாடுகள் சபை 2015 ஆம் ஆண்டு மதிப்பிட்டுள்ளது.

உலகெங்கிலும் நிலையான வளர்ச்சியின் முக்கிய காரணமாக இருக்கும் இளைஞர்களின் உடல்நலம் மற்றும் நல்வாழ்வை நோக்கமாகக் கொண்டு 2030 ஆம் ஆண்டிற்குள் "யுனிவர்சல் ஹெல்த் கவரேஜ் (UHC)" (உலகளாவிய சுகாதார இன்சூரன்ஸ்) அடைவதற்கு, அனைத்து தரப்பினருக்கும் இடையிலான ஒருங்கிணைப்பு தேவைப்படுகிறது.

காசநோய், மலேரியா மற்றும் பிற புறக்கணிக்கப்பட்ட வெப்பமண்டல நோய்களுடன், எய்ட்ஸ் தொற்றுநோயை முடிவுக்குக் கொண்டுவருவதற்கான முயற்சிகளில் ஈடுபட வேண்டும். சாலை பாதுகாப்பிற்கான நடத்தை மாற்றத்துடன் சேர்த்து இளைஞர்களிடையே போதைப் பொருள் பயன்பாட்டுக் கோளாறுகளைத் தடுப்பதற்கும் சிகிச்சையளிப்பதற்கும் அவசியம் உள்ளது.

நமது பொருளாதாரத்தின் வளர்ச்சியை விரைவுபடுத்துவதற்கு அதிக அளவில் இளைஞர்களைக் கொண்டிருந்தாலும், உலகில் மிகக் குறைந்த சுகாதார பட்ஜெட்டை இந்தியா கொண்டுள்ளது. மற்றொரு கவலை இந்தியாவில் மனநல பிரச்சினைகளை குறைவாக மதிப்பிடுவதாகும். 'இந்தியாவில் தற்செயலான மரணங்கள் மற்றும் தற்கொலைகள்' என்ற தலைப்பில் தேசிய குற்றப் பதிவுகள் பணியகத்தின் அறிக்கையின்படி, 2019 ஆம் ஆண்டில் 90,000 க்கும் மேற்பட்ட இளைஞர்கள் தற்கொலை செய்து கொண்டனர், இது தென்கிழக்கு ஆசியாவில் மிக உயர்ந்ததாகும்.

ஆல்கஹால், போதைப் பொருள் துஷ்பிரயோகம் மற்றும் அதன் சார்பு தொடர்பான சுகாதார பிரச்சினைகள் ஒரு முக்கிய கவலையாகும், மேலும் இது சம்பந்தப்பட்ட அனைத்து மக்களுக்கும் விழிப்புணர்வும் கல்வியும் தேவைப்படுகிறது. விழிப்புணர்வுள்ள இளைஞர்கள் தற்போதைய காலத்தின் பல சவால்களை சமாளிக்க முடியும். அறிவு இடைவெளிகளைக் குறைப்பதற்கும், இளைஞர்களிடையே சுகாதார கல்வியறிவை அடைவதற்கும், மேற்கூறிய தடைகளை எதிர்கொள்வதற்கும், பள்ளிகள் மற்றும் கல்லூரிகளில் இளைஞர்கள் இலக்கு வைக்கப்பட வேண்டும்.

ஆரம்பகால திருமணம், பெண்கள் அதிகாரம், அவர்களின் கல்வி மற்றும் நிதி நிலைத்தன்மை போன்ற சவால்களை சமாளிக்க இளைஞர் கொள்கையில் ஒரு சிறப்பு கவனம் தேவைப்படுகிறது.

இத்தகைய மிகவும் மதிக்கப்படும் மற்றும் நம்பிக்கைக்குரிய இலக்குகள் மூலம் இளம் மனதிற்கு ஒரு பிரகாசமான எதிர்காலம் குறித்த நம்பிக்கை உள்ளது.

Reference: Youth development and health agenda 2030