கடந்த 11 ஆண்டுகளில் 3 மடங்கு அதிகமாகியுள்ள தமிழகத்திற்கு ஒதுக்கப்பட்ட நிதி:பா.சிதம்பரம் VS அண்ணாமலை!

பிரதமர் கடந்த 11 ஆண்டுகளில், ஐக்கிய முற்போக்கு கூட்டணி ஆட்சியில் ஒதுக்கப்பட்டதை விட 3 மடங்கு அதிகமாக தமிழகத்திற்கு ஒதுக்கப்பட்ட நிதி என்று கூறியுள்ளார்

இதற்கு காங்கிரஸ் கட்சியின் நாடாளுமன்ற உறுப்பினர் பா.சிதம்பரம் ஐக்கிய முற்போக்கு கூட்டணியின் 10 ஆண்டு ஆட்சியில் ஒதுக்கப்பட்ட நிதியையும் தேசிய முற்போக்கு கூட்டணியின் 11 ஆண்டு ஆட்சியில் ஒதுக்கப்பட்ட நிதியையும் பிரதமர் ஒப்பிட்டுப் பார்த்தார் என்று நினைக்கிறேன் அவர் சொல்வது சரிதான், ஆனால் ஒதுக்கீடுகளில் ஆச்சரியப்படுவதற்கோ அல்லது விதிவிலக்காகவோ எதுவும் இல்லை

இந்தியப் பொருளாதாரம் வளரும்போது ஆண்டு பட்ஜெட்டின் அளவும் வளரும் மொத்தச் செலவும் மற்றும் ஒதுக்கீடுகளும் வளரும் எனவும் ஐக்கிய முற்போக்கு கூட்டணியில் செலவுகளும் தற்போது அதிகரித்துள்ளதாக தனது சமூக வலைதள பக்கத்தில் பதிவிட்டு இருந்தார்

இவரின் பதிவிற்கு தமிழக பாஜக முன்னாள் மாநில தலைவர் அண்ணாமலை முதலில் முன்னாள் நிதியமைச்சர் சிதம்பிரம் அவர்களுக்கு நன்றி தெரிவிக்க விரும்புகிறோம் கடந்த 10 ஆண்டுகளில் தேசிய முற்போக்கு அரசாங்கத்தின் 10 ஆண்டுகளுடன் ஒப்பிடும்போது தமிழ்நாட்டிற்கான அதிகாரப் பகிர்வு மூன்று மடங்கு அதிகரித்துள்ளது என்பதை ஒப்புக்கொண்டதற்காக இருப்பினும் பொருளாதாரம் வளர்ந்ததாகக் கூறி அதை எளிமைப்படுத்த அவர் விரும்புகிறார் மேலும் மாநிலங்களுக்கான அதிகாரப் பகிர்வும் வளர்ந்துள்ளது இது அவரை ஆச்சரியப்படுத்தவில்லை

2014-15 நிதியாண்டிற்கான இடைக்கால பட்ஜெட்டை தாக்கல் செய்யும் போது முன்னாள் நிதியமைச்சர் அடுத்த 3 தசாப்தங்களில் இந்தியா மூன்றாவது பெரிய பொருளாதார நாடாக மாறும் என்றும் இது ஐக்கிய முற்போக்கு கூட்டணி ஆட்சியின் போது இந்தியாவிற்கு ஒரு தொலைதூர கனவு என்றும் கூறினார் கடந்த தசாப்தத்தில் நமது மாண்புமிகு பிரதமர் நரேந்திர மோடி அவர்கள் காங்கிரஸ் கட்சியை அதிகாரத்திலிருந்து அகற்றியதில் இருந்து எடுக்கப்பட்ட ஆக்கபூர்வமான நடவடிக்கைகளின் காரணமாக இந்த தசாப்தத்தில் இந்தியா மூன்றாவது பெரிய பொருளாதார நாடாக மாறும் என்பதைக் குறிக்கும் வேகத்தில் இந்தியப் பொருளாதாரம் நகர்ந்து வருகிறது

காங்கிரஸ் விருப்பம்படி நடந்திருந்தால் அவர்களின் ஆட்சியின் முடிவில் உலகின் பலவீனமான ஐந்து பொருளாதாரங்களில் ஒன்றாக முத்திரை நமது நாடு குத்தப்பட்டிருக்கும் ஐக்கிய முற்போக்கு கூட்டணி ஆட்சியின் போது மாநிலங்களுக்கு அதிகாரப் பகிர்வு 32 சதவீதம் மட்டுமே இருந்தது அதை நமது மாண்புமிகு பிரதமரால் 42 சதவீதம் ஆக உயர்த்தப்பட்டது என்பதை முன்னாள் நிதியமைச்சர் மறந்துவிட்டாரா

மாநிலங்களுக்கான அதிகாரப் பகிர்வு அதிகரித்தது மட்டுமல்லாமல் 2024-25 ஆம் ஆண்டில் மாநிலங்கள் மற்றும் யூனியன் பிரதேசங்களுக்கான மொத்த பரிமாற்றங்களும் ரூ 22,75,511 கோடியாக இருந்தன இது ஐக்கிய முற்போக்கு கூட்டணி அரசின் கடைசி ஆண்டில் மாநிலங்களுக்கு மாற்றப்பட்ட பணத்தை விட 3.5 மடங்கு அதிகம் அதிகாரப் பகிர்வுக்கு அப்பால் மத்திய அரசின் திட்டங்கள் நெடுஞ்சாலைகள் துறைமுகங்கள் விமான நிலையங்கள் மற்றும் நமது கடின உழைப்பாளி விவசாயிகளுக்கு வழங்கப்படும் மானியங்கள் ஆகியவற்றிற்கு செலவிடப்பட்ட பணம் கடந்த 10 ஆண்டுகளில் பல மடங்கு அதிகரித்துள்ளது

பலவீனமான கனவுகளை வலிமையான சாதனைகளாக மாற்றுவது தானாக நடக்கவில்லை என்பதை முன்னாள் நிதியமைச்சர் புரிந்துகொள்வார் என்று நம்புகிறோம் என தெரிவித்துள்ளார்