அண்ணாமலையின் உயிருக்கு ஆபத்தா? 'Y' பிரிவு பாதுகாப்பின் பின்னணி என்ன?
By : Mohan Raj
மாவோயிஸ்டுகள் மற்றும் மதவெறியர்களிடம் இருந்து மிரட்டல் விடுக்கப்பட்டுள்ளதால் உளவுத்துறை அறிக்கை விடுத்துள்ளதை தொடர்ந்து பா.ஜ.க தலைவர் அண்ணாமலைக்கு 'ஒய்' பிரிவு பாதுகாப்பு அளிக்கப்பட்டதாக தகவல்கள் தெரிவிக்கின்றன.
தமிழக பா.ஜ.க தலைவர் அண்ணாமலையின் உயிருக்கு அச்சுறுத்தல் இருப்பதாக வெளியான தகவல் காரணமாக அவருக்கு உள்துறை அமைச்சகம் 'ஒய்' பிரிவு பாதுகாப்பு வழங்கியுள்ளது. இது அவருக்கு மாநில காவல்துறை வழங்கிய பாதுகாப்பை விட மேலானது. 'ஒய்' அளவிலான பாதுகாப்பின் கீழ், அண்ணாமலைக்கு மத்திய ரிசர்வ் போலீஸ் படை (சி.ஆர்.பி.எஃப்) மற்றும் மாநில காவல்துறையின் பாதுகாப்புப் பிரிவு சி.ஐ.டி'யின் ஆயுதமேந்திய தனிப்பட்ட பாதுகாப்பு அதிகாரிகள் 24 மணி நேரமும் பாதுகாப்பு வழங்குவார்கள்.
அண்ணாமலைக்கு மாவோயிஸ்டுகள் மற்றும் மத தீவிரவாதிகளின் அச்சுறுத்தல் இருப்பதாக உளவுத்துறையினர் தகவல் அளித்துள்ளனர். கடந்த சில வாரங்களாக முன்னாள் ஐ.பி.எஸ் அதிகாரியாக இருந்து அரசியல்வாதியாக மாறிய அவருக்கு அச்சுறுத்தல் ஏற்பட்டுள்ளதை புலனாய்வு அமைப்புகள் கவனத்தில் எடுத்து, முறையான ஆதாரங்களை மேற்கோள் காட்டி அறிக்கை தயாரித்தன. இதையடுத்து தலைவருக்கு 'ஒய்' பாதுகாப்பு அளிக்குமாறு மத்திய ரிசர்வ் போலீஸ் படைக்கு (சி.ஆர்.பி.எஃப்) மத்திய உள்துறை அமைச்சகம் உத்தரவிட்டது.
முன்னதாக பிப்ரவரி மாதம், சென்னை தி.நகரில் உள்ள தமிழ்நாடு பா.ஜ.க தலைமை அலுவலகமான 'கமலாலயம்' மீது அக்கட்சியின் நீட் ஆதரவு நிலைப்பாட்டிற்காக மூன்று பெட்ரோல் குண்டுகள் வீசப்பட்டன. பிப்ரவரி 10'ம் தேதி பெட்ரோலியம் நிரப்பப்பட்ட மூன்று பாட்டில்களுக்கு தீ வைத்து பா.ஜ.க மாநில தலைமையகத்தில் வீசியதற்காக 38 வயது நபரை போலீசார் கைது செய்தனர். அண்ணாமலை பின்னர் தேசிய புலனாய்வு முகமை (என்.ஐ.ஏ) இந்த சம்பவம் மற்றும் பெரிய சதியை விசாரிக்க வேண்டும் என வலியுறுத்தினார்.
சுவாரஸ்யமாக, கடந்த ஆண்டு பிப்ரவரியில், தீவிரவாத அமைப்புகளிடமிருந்து அவரது உயிருக்கு அச்சுறுத்தல் இருப்பதாக சந்தேகிக்கப்படுவதைத் தொடர்ந்து அண்ணாமலைக்கு ஒய்-பிளஸ் பாதுகாப்பு வழங்கப்பட்டது, ஆனால் பின்னர் அளவு 'எக்ஸ்' வகை பாதுகாப்பாக குறைக்கப்பட்டது. 'ஒய்' பிரிவின் கீழ், அண்ணாமலைக்கு 24 மணி நேரமும் ஆயுதம் ஏந்திய நான்கு தனிப்படையினர் பாதுகாப்பு அளிக்கப்படுவார்கள். மேலும், அவர் தங்கியிருக்கும் பகுதிக்கு அருகில் கண்காணிப்பை அதிகரிக்க உள்ளூர் போலீசாருக்கும் உத்தரவிடப்படும்.
மாநிலத்தின் மீதான அலட்சியப் போக்கிற்காக தி.மு.க அரசை மாநில பா.ஜ.க தலைவர் கடந்த காலங்களில் பலமுறை கடுமையாக சாடியுள்ளார். முதல்வர் ஸ்டாலின் தலைமையிலான தி.மு.க அரசின் தவறுகளை கண்டுபிடிப்பதில் மும்முரமாக இருப்பதாகவும், மாநில அரசு மக்களுக்கு முறையான கடமையை செய்ய தவறிவிட்டதாகவும் அண்ணாமலை குற்றம் சாட்டியுள்ளார். "மாநில அரசால் கார்டுதாரர்களுக்கு பொங்கல் பரிசுத் தடைகளை கூட சரியாக வழங்க முடியவில்லை' எனவும் குற்றம் சுமத்தியுள்ளார்.
அண்ணாமலை, முன்னாள் காவல்துறை அதிகாரியாக பணியாற்றியவர், ஜூலை 2021'ல் பா.ஜ.க'வின் தமிழ்நாடு கிளைத் தலைவராகத் தேர்ந்தெடுக்கப்பட்டார். அவர் கர்நாடகத்தில் பணியாற்றிய முன்னாள் ஐ.பி.எஸ் அதிகாரி ஆவார், அவர் ஆகஸ்ட் 2020 இல் அரசாங்கப் பணியை விட்டுவிட்டு பா.ஜ.க'வில் சேர்ந்தார் என்பது குறிப்பிடத்தக்கது.
