கடுமையாக உழைத்தால் தமிழகத்தில் பா.ஜ.க. ஆட்சி ! ஆலோசனை கூட்டத்தில் அண்ணாமலை பேச்சு !

கடுமையாக உழைத்தால் தமிழகத்தில் பாஜக ஆட்சி அமையும் என்று அக்கட்சியின் மாநில தலைவர் கே.அண்ணாமலை கூறியுள்ளார்.

தமிழகத்தில் 9 மாவட்டங்களுக்கான உள்ளாட்சித் தேர்தல் விரைவில் நடைபெற உள்ள நிலையில், தேர்தலுக்குத் தயாராவது பற்றி பாஜக மாவட்ட தலைவர்களுடன் ஆலோசனை கூட்டம், சென்னை, தி.நகரில் உள்ள கமலாலயத்தில் நடைபெற்றது. இந்த கூட்டம் மாநில தலைவர் அண்ணாமலை தலைமையில் நடைபெற்றது. இதில் கட்சியின் அடுத்தக் கட்ட வளர்ச்சி பற்றிய ஆலோசனை நடத்தப்பட்டது.

இந்நிலையில், இந்தக் கூட்டத்தில் பேசிய அண்ணாமலை வருகின்ற உள்ளாட்சித் தேர்தலில் பாஜக கூட்டணி அதிகமான இடங்களை கைப்பற்றுவதற்கு கடுமையாக உழைக்க வேண்டும் என பேசினார்.

மேலும் நாடாளுன்ற தேர்தல் மற்றும் சட்டமன்றத் தேர்தல், வேல் யாத்திரை என தொடர்ச்சியாக ஓய்வின்றி கட்சி பணி செய்தது போன்று, வருகின்ற உள்ளாட்சி தேர்தலிலும் அதே வேகத்தோடு பணியாற்ற வேண்டும் என மாவட்ட தலைவர்களுக்கு கோரிக்கை விடுத்தார்.

Source: News 7

Image Courtesy: Bjp Twiter

https://news7tamil.live/annamalai-says-if-we-continue-to-work-bjp-will-form-the-govt-in-tamil-nadu.html