மத்திய பிரதேசத்தில் கூண்டோடு காலியாகும் காங்கிரஸ் ! - 27'வது காங்கிரஸ் எம்.எல்.ஏ பா.ஜ.க'வில் இணைந்தார் !
By : Mohan Raj
மத்திய பிரதேசத்தில் காங்கிரஸ் எம்எல்ஏ சச்சின் பிர்லா பா.ஜ.க'வில் இணைந்துள்ளார். இதுவரை 27 எம்.எல்.ஏ'க்கள் காங்கிரஸ் கட்சியில் இருந்து விலகி பா.ஜ.க'வில் இணைந்துள்ளனர்.
மத்திய பிரதேசத்தில் மூன்று சட்டசபை தொகுதி மற்றும் ஒரு மக்களவைத் தொகுதிக்கான இடைத்தேர்தல் நடைபெற உள்ள நிலையில், காங்கிரஸ் எம்.எல்.ஏ சச்சின் பிர்லா பாஜகவில் இணைந்துள்ளார். கார்கோன் மாவட்டம் பெடியாவில் நடந்த பொதுக்கூட்டத்தில் முதல்வர் சிவராஜ் சிங் சவுகான், அமைச்சர் கமல் படேல் ஆகியர் முன்னிலையில் சச்சின் பிர்லா தன்னை பா.ஜ.க'வில் இணைத்துக்கொண்டார். அவருக்கு முதல்வர் சிவராஜ் சிங் வாழ்த்து தெரிவித்தார்.
2020 மார்ச் மாதம் 22 காங்கிரஸ் எம்.எல்.ஏ'க்கள் கட்சியில் இருந்து விலகி பா.ஜ.க'வில் இணைந்ததால் கமல் நாத் தலைமையிலான ஆட்சி கவிழ்ந்தது. சிவராஜ் சிங் தலைமையில் பா.ஜ.க ஆட்சி அமைந்தது. அதன்பின்னர் மேலும் 4 காங்கிரஸ் எம்.எல்.ஏ'க்கள் பா.ஜ.க'வில் இணைந்தனர். தற்போது 27வது எம்.எல்.ஏ'வாக சச்சின் பிர்லா வெளியேறி உள்ளார். பர்வா தொகுதியில் இருந்து காங்கிரஸ் சார்பில் தேர்ந்தெடுக்கப்பட்ட சச்சின் பிர்லா, தலைமை மீது கடும் அதிருப்தியில் இருந்தது குறிப்பிடதக்கது.
