Kathir News
Begin typing your search above and press return to search.

தி.மு.க-வுக்குள் சூடுபிடிக்கும் பரம்பரை அரசியல்: இதோ அடுத்த வாரிசுக்கு பதவி ரெடி!

DMK names TRB Raja as secretary for partys IT wing

தி.மு.க-வுக்குள் சூடுபிடிக்கும் பரம்பரை அரசியல்: இதோ அடுத்த வாரிசுக்கு பதவி ரெடி!

MuruganandhamBy : Muruganandham

  |  2022-01-19T10:07:27+05:30

திமுக பொருளாளரும், அக்கட்சியின் மக்களவை அவைத் தலைவருமான டி.ஆர்.பாலுவின் மகனுமான டி.ஆர்.பி.ராஜா, கட்சியின் தகவல் தொழில்நுட்பப் பிரிவு மாநிலச் செயலாளராக நியமிக்கப்பட்டுள்ளதால், திமுகவுக்குள் பரம்பரை அரசியல் சூடுபிடித்துள்ளதாகத் தெரிகிறது.

பி.டி.ஆர் பழனிவேல் தியாகராஜன் நிதித்துறையில் பணிச்சுமை காரணமாக பதவியில் இருந்து விலகியதை அடுத்து இவர் நியமிக்கப்பட்டார். மன்னார்குடி சட்டமன்றத் தொகுதியில் மூன்றாவது முறையாக எம்எல்ஏவாக இருந்த டிஆர்பி ராஜா பதவி உயர்வு பெற்றுள்ளதாகவும், திமுகவின் என்ஆர்ஐ பிரிவு மாநிலச் செயலாளராக ராஜ்யசபா எம்பி எம்எம் அப்துல்லா நியமிக்கப்பட்டுள்ளதாகவும் அக்கட்சியின் செய்திக்குறிப்பில் தெரிவிக்கப்பட்டுள்ளது.

திமுக தலைவர்களின் பல்வேறு வாரிசுகள் ஏற்கனவே கட்சிக்குள் தேர்ந்தெடுக்கப்பட்ட பிரதிநிதிகளாக பதவிகளில் உள்ளனர். இதில் கட்சியின் தலைவரும், முதலமைச்சருமான மு.க.ஸ்டாலினின் மகன் உதயநிதி ஸ்டாலின் (எம்.எல்.ஏ., இளைஞர் அணி செயலாளர்), பொதுச் செயலாளரும் அமைச்சருமான துரைமுருகனின் மகன் கதிர் ஆனந்த் துரைமுருகன் (வேலூர் எம்.பி), பொருளாளர் டி.ஆர்.பாலுவின் மகன் டி.ஆர்.பி.ராஜா (ஐடி பிரிவு செயலாளர்), துணைப் பொதுச்செயலாளரும் அமைச்சருமான கே.பொன்முடியின் மகன் பி.கௌதம் சிகாமணி (கள்ளக்குறிச்சி எம்.பி.) என திமுக மூத்த தலைவர்களின் வாரிசுகள் பெரும்பாலும், முக்கிய பொறுப்பை கைப்பற்றிவிட்டனர்.

மேலும், முன்னாள் முதல்வர் கருணாநிதியின் மகள் கனிமொழி அக்கட்சியின் மகளிர் அணிச் செயலாளராகவும், திமுகவின் மக்களவை துணைத் தலைவராகவும் உள்ளார்.

இப்படி கட்சி பொறுப்புகள் எல்லாம் வாரிசுகளுக்கே கொடுக்கப்படுவதால், காலம் காலமாக திமுக தொண்டராக இருந்து வரும் சாமனிய மக்கள், கடைசி வரை தொண்டனாகவே காலத்தை தொடர்கின்றனர். அவர்களின் வாரிசுகளுக்கும் அந்த நிலையே. பரம்பரை அரசியல் ருசி கண்டவர்களை என்ன சொன்னாலும் மாற்ற முடியாது.



Next Story