எடப்பாடி பழனிசாமியை தட்டி கொடுத்து சிரித்த பிரதமர் மோடி

முன்னாள் முதலமைச்சர் எடப்பாடி பழனிசாமி வணக்கம் வைக்க அவரது கைகளைப் பிடித்து தோளை தட்டிக்கொடுத்து நலம் விசாரித்தார் பிரதமர் மோடி.

தமிழகத்திற்கு பல்வேறு நலத்திட்டங்களை தொடங்கி வைப்பதற்காக பிரதமர் மோடி சென்னைக்கு வருகை புரிந்தார். தமிழக சட்டமன்ற எதிர்க்கட்சி தலைவரும், அ.தி.மு.க. இணை ஒருங்கிணைப்பாளருமான எடப்பாடி பழனிசாமி மற்றும் மத்திய இணை அமைச்சர் எல்.முருகன், தமிழக ஆளுநர் ஆர்.என்.ரவி, அமைச்சர்கள் உள்ளிட்டோர் விமான நிலையத்திற்கு வரவேற்பதற்காக சென்றனர்.

அப்போது எடப்பாடி பழனிசாமி வணக்கம் வைக்க அவரது கைகளைப் பிடித்து தோளைக் தட்டிக்கொடுத்து நலம் விசாரித்தார் பிரதமர் மோடி. இதே போன்று வாசனின் தோளையும் தட்டிக்கொடுத்தார். மத்திய இணை அமைச்சர் எல்.முருகன் பிரதமருக்கு ஒவ்வொருவரையும் அறிமுகம் செய்து வைத்தார். அதனை தொடர்ந்து ஹெலிகாப்டர் மூலம் ஐ.என்.எக்ஸ் தளத்திற்கு பிரதமர் சென்றார். அங்கிருந்து விழா நடைபெறும் நேரு உள்விளையாட்டு அரங்கத்திற்கு கார் மூலம் சென்றார்.

Source, Image Courtesy: Daily Thanthi